Sərgidə səslənən Nəsimi qəzəlləri və Füzulini əzbər deyən gənc oxucu...
Tarix: 28-10-2019 19:49 | Bölmə: Ədəbiyyat

“Şərq-Qərb” ASC Frankfurt sərgisində“Nəsimi”ni alman dilində təqdim etdi

1620 oktyabr 2019-cu il tarixlərində Frankfurt-Mayn şəhərində71-ci Beynəlxalq kitab sərgisikeçirildi. Bu əhəmiyyətli tədbirdə nəşriyyat və poliqrafiya müəssisələri arasında ölkəmizi“Şərq-Qərb” ASC də 100-ə yaxın kitabla təmsil edirdi.
Nəşriyyatındepartamentinin direktor müavini Sevil İsmayılovanın sözlərinə görə, sərgidə ölkəmizin Qız qalası və İçərişəhərin Qala divarlarının dizaynı ilə hazırlanmış xüsusi stendində Ümummilli lider Heydər Əliyevin həyat və fəaliyyətini əks etdirən kitablar, dövlətçiliyimizə, Qarabağ probleminə, tarix və mədəniyyətimizə dair nəşrlər təqdim olunurdu: “Bununla belə, deyim ki, Mədəniyyət Nazirliyinin təşkilatçılığı ilə qatıldığımız sərgi bu il böyük Azərbaycan şairi Nəsiminin 650 illiyinə həsr edilmişdi.“Şərq-Qərb” orada Nəsiminin üç dəyərli kitabını nümayiş etdirdi. Alman dilinə tərcümə edilmiş kitabı isəxüsusi olaraq vurğulamaq istəyirəm”.
Yeri gəlmişkən qeyd edək ki, sərgidə Nəsiminin qəzəllərini alman dilinə tərcümə edənnəsimişünas alman alimi Mixael Hess və şeirə çevirən alman şairi Moritsondaiştirak edirdi.
S.İsmayılova Azərbaycan nəşrlərinin böyük maraq doğurduğunu bildirərək sərgidə yaddaqalan bir neçə maraqlı məqama da toxundu: “Moritson, əslində, Azərbaycan ədəbiyyatını çox gözəl bilirmiş. Sərgidə bu şərqşünasınMəhsəti Gəncəvinin kitabını necə böyük sevgi iləvərəqlədiyini gördükdə kitabı nəşriyyatımız adından ona hədiyyə etdik. Bir də heç unutmaram, stendimizə bir gənc yaxınlaşmışdı. Azərbaycanlı deyildi. Füzulinin kitabını istədi. Birdən bu böyük Azərbaycan şairinin qəzəllərini əzbərdən necə dedisə, Füzulinin cildliyini böyük məmnuniyyətlə ona bağışladıq”.
Sərgidə nəşriyyatın alman, ingilis, fransız, rus, ərəb dillərində dərc etdiyi kitablar da nümayiş etdirilib. S.İsmayılova bir neçə diqqətçəkən məqamla qarşılaşdığını da bildirdi: “Azərbaycanın gənc yazıçılarının kitabları ilə maraqlanırdılar. Bir də uşaq kitabları ilə. Ən maraqlısı isə Ekzüperinin “Balaca şahzadə”sinin Azərbaycan dilində almaq istəyən alman oxucusunun istəyi idi. Almaniyada yaşayan Nailə Turanın Nəsiminin qəzəllərini Azərbaycan dilində gözəl ifa etməsi, Moritsonun isə həmin şeirləri alman dilində səsləndirməsi bütün ətrafdakıların marağına səbəb oldu və hamımızın yaddaşında xoş xatirə  kimi qaldı”.
Əlbəttə, hər bir sərgi həm də qurulan yeni əlaqələr deməkdir. “Şərq-Qərb” ASC-nin Kommersiya departamentinin direktoru Xilqət Əsədov sərgidən yeni ideyalarla qayıtdıqlarını bildirdi: “Bu cür sərgilər nəşriyyatlar üçün dünyaya açılan pəncərə deməkdir. Biz də bir çox maraqlı təkliflər aldıq. Artıq bir neçə layihəyə start verməyə hazırlaşırıq. Ümid edirik ki, Azərbaycan oxucularını sevindirəcəyik”. 
Nərgiz Cabbarlı






Baxış sayı: 127


Bölməyə aid digər xəbərlər
6-10-2019, 08:57 Sonuncu dərs
18-09-2019, 00:11 TƏBRİK EDİRİK!
18-08-2019, 14:08 Şair Oqtay Rza vəfat edib