21:13 / 22-02-2024
Putin Çuvaşiyaya gəlib
Bütün xəbərlər
Detektiv yazar Elbrus Kəlbiyevlə görüş keçirilib
Tarix: 27-05-2023 22:21 | Bölmə: Ədəbiyyat

Sumqayıtda "Poeziya evi"ndə detektiv yazar Elbrus Kəlbiyevlə görüş keçirilib.

                      
                      

Tədbirdə şairlər,yazıçılar, yaradıcı adamlar,ədəbiyyat sevərlər, tələbələr, Sumqayıt şəhər İcra Hakimiyyətinin İctimai-siyasi və humanitar məsələlər üzrə Şöbə müdirinin müavini-dini qurumlarla işin təşkilatçısı Fərman Kazımov, Əli Kərim adına "Poeziya evi"nin direktoru İbrahim İlyaslı iştirak edib.

              

Fərman Kazımov dedektiv-yazar haqqında çıxışında belə deyib:"Elbrus Kəlbiyev Azərbaycan silahlı qüvvələrinin tərkibində olub, polkovnik-leytenant rütbəsinə qədər yüksəlib. Vətən qarşısında xidmətini layiqincə yerinə yetirib, Azərbaycan ordusunun əldə etdiyi uğurlarda onun özünəməxsus payı və yeri var. Eyni zamanda ədəbiyyat adamı, yazıçı kimi qələmini sınayıb. Azərbaycan ədəbiyyatının ən çətin janrlarından bir olan, dedektiv janrında 6 kitabın müəllifidir. O kitabların ikisini oxumuşam. Son oxuduğum "Heroqliflərin sirir" əsəridir. Bir oxucu kimi o kitabda məni



özünə cəlb edən yazı üslubu idi. Çox sadə,hamının başa düşə biləcəyi bir dildə yazır. Mətn quruluşu, yazı üslubu yorucu deyil,cəlbedicidir. İnsan asan şəkildə o mətni başa düşür. İkinci bir məsələ məni qane edən o idi ki, dedektiv əsərlərin bəzilərində hadisəni törədən cinayətkarın kimi olduğunu artıq əsərin ortasında hiss edirsən. Mən oxuduğum "Heroqliflərin sirri" əsərində şübhələndiyim adam axırda qatil çıxmadı,hadisəni törədən hamının gözləmədiyi adam oldu.
Hesab edirəm ki, bu görüş faydalı bir görüş olacaq. Bu kitablarla tanışlıq Elbrus Kəlbiyevin Sumqayıtda görüşlərinin artmasına səbəb olacaq. Elbrus Kəlbiyev ədəbiyyatımızda təzə imza olsa da, onun əsərləri artıq geniş oxucu kütləsi qazanıb.Ona yeni-yeni yaradıcılıq uğurları arzulayıram!
Sabaha-inamla.az























Baxış sayı: 348


Bölməyə aid digər xəbərlər