Bütün xəbərlər
Yeni yardım layihəsi ABŞ prezidentini Kiyevlə təzminatla bağlı danışıqlar aparmağa məcbur edir
Tarix: 17-04-2024 21:32 | Bölmə: Siyasət


ABŞ prezidenti iqtisadi yardımın ödənilməsi ilə bağlı Ukrayna ilə danışıqlar aparmalıdır.
Sabaha-inamla.az rus mətbuatına istinadən xəbər verir ki, bu, ABŞ Konqresinin Nümayəndələr Palatasında baxılacaq qanun layihəsindən irəli gəlir.
Sənəddə həmçinin bildirilir ki, Amerika büdcəsindən Ukraynadakı münaqişə ilə bağlı 61 milyard dollar vəsait ayrılır, lakin bu məbləğin 23 milyard dolları ABŞ-ın öz silah anbarının bərpasına yönəldiləcək.
Bundan əlavə, Amerika lideri ATACMS operativ-taktiki raketlərini Ukraynaya ötürməli olacaq. ABŞ Dövlət Departamenti və ABŞ Müdafiə Nazirliyi qanun layihəsinin qəbulundan sonra 45 gün ərzində Ukraynaya dəstək strategiyası hazırlamağı öhdəsinə götürür.
Xatırladaq ki, daha əvvəl Nümayəndələr Palatasının spikeri Mayk Conson Kiyev rejiminin Vaşinqtondan kredit sistemi şəklində pul alacağını bildirmişdi. Müvafiq qanun layihəsi üzrə səsvermə aprelin 20-də keçirilə bilər.




Baxış sayı: 271


Bölməyə aid digər xəbərlər