Bütün xəbərlər
“Qarabağ” ordenli şəhid Şəhriyar Quliyevin xatirə gecəsi keçirilib-VİDEO+FOTOLAR
Tarix: 24-04-2024 02:04 | Bölmə: Reportaj


Abşeron-Xızı Regional Mədəniyyət İdarəsinin tabeliyində fəaliyyət göstərən Sumqayıt Şəhərinin Tarixi Muzeyinin təşkilatçılığı ilə 44 günlük Vətən
                             

müharibəsinin Sumqayıtlı şəhidi, “Qarabağ” ordenli şəhid Şəhriyar Nəsib oğlu Quliyevin xatirəsinə həsr olunmuş “Vətən fədailəri unudulmur” adlı xatirə gecəsi keçirilib.
                             
Vətən uğrunda canlarından keçən şəhidlərimizin əziz xatirəsi bir dəqiqəlik sükutla yad edilib, Azərbaycan Respublikasının dövlət himni səsləndirilib.
               


Tədbiri giriş sözü ilə açan muzeyin direktoru v.m.i.e. Namiq Əliyev şəhid valideynlərinə vətənpərvər övladlar böyütdüklərinə görə onların haqqının ödənilməz olduğunu bildirərək, belə tədbirləri şəhidlərimizin xatirəsinin daima yad edilməsinin hər birimizin vətəndaşlıq borcu olduğunu qeyd edib.
                            
Tədbirin aparıcısı - muzeyin əməkdaşı Nərmin Kərimli şəhidin həyatı, döyüş yolu haqqında məlumat verdikdən sonra, şəhid Şəhriyar Quliyevə həsr olunmuş videoçarx təqdim edilib.
                

Anım tədbirində çıxış edən Sumqayıt Cümə Məscidinin baş axundu Hacı Rauf Sərdarov, Abşeron - Xızı Regional Mədəniyyət İdarəsinin məsləhətçisi Bayram Cəfərli, Vətən Müharibəsi Qəhrəmanı şəhid Sübhan Cəbrayılovun anası Ləzifə Cəbrayılova, şəhid Səbuhi Həsənquliyevin anası Mayisə xanım, “Qarabağ” ordenli şəhid Həmid Abbasbəylinin anası Gülnarə
                             

xanım, Vətən Müharibəsi Qəhrəmanı şəhid Elyar Vəliyevin atası Arif Vəliyev, şəhid Abdulla Əhmədovun atası Əhməd Əhmədov, hal hazırda xidmətdə olan və Şuşada ilk bayrağımızı qaldırıb azan verən Vətən Müharibəsi Qəhrəmanı Yaşar Hüseynov, qazi Ağadadaş Ağayev, şairə Telli Sənəm, Lilpar Cəmşid qızı 44 günlük Vətən Müharibəsində 30 illik həsrətə

                             
son qoyularaq, Ali baş Komandan İlham Əliyevin uzaqgörən siyasəti və Müzəffər Ordumuzun sayəsində ərazi bütövlüyümüzün bərpasından danışaraq Şəhriyyar haqqında xatirələrini bölüşüblər.
                             

Daha sonra Azərbaycanın Milli Qəhrəmanı general-mayor Polad Həşimovun adını daşıyan 28 nömrəli tam orta məktəbin şagirdlərinin və Hacı Zeynalabdin qəsəbəsi Əhməd Bakıxanov adına 1 №-li Uşaq İncəsənət Məktəbinin müəllim heyətinin hazırladıqları kompozisiyalar maraqla izlənilib.
                 
Tədbirdə şəhid ailələri, qazilər və şəhər ictimaiyyəti iştirak edib.
Sonda şəhid Şəhriyar Quliyevin anası Xalidə xanım oğlu haqqında


                           
xatirələrini bölüşərək, ailəsi adından göstərilən diqqət və qayğıya görə ölkə başçısına minnətdarlığını bildirib.
Namiq MƏMMƏDLİ
Sabaha-inamla.az
                 
                 
                 
                 





Baxış sayı: 772


Bölməyə aid digər xəbərlər