19:34 / 12-06-2024
ABŞ sanksiyalar tətbiq edib
Bütün xəbərlər
Qərbi Azərbaycanın mədəni-ədəbi mühitinə həsr edilmiş elmi konfrans olub
Tarix: 24-05-2023 00:22 | Bölmə: Ədəbiyyat

AMEA-nın Naxçıvan Bölməsində İncəsənət, Dil və Ədəbiyyat İnstitutunun təşkilatçılığı ilə “Qərbi Azərbaycan mədəni-ədəbi mühiti: öyrənilməsi və qarşıda duran vəzifələr” mövzusunda elmi konfrans keçirilib.
Sabaha-inamla.az-a AMEA-nın Naxçıvan Bölməsindən verilən məlumata görə, konfransı giriş sözü ilə AMEA Naxçıvan Bölməsinin sədri, akademik İsmayıl Hacıyev açıb.
İsmayıl Hacıyev Prezident İlham Əliyevin 24 dekabr 2022-ci ildə Qərbi Azərbaycan olan bir qrup ziyalı ilə görüşünü xatırladaraq bildirib ki, həmin tədbirdə geniş nitqsöyləyən ölkə başçısı Qərbi Azərbaycan torpaqlarının ölkəmizdən qoparılması tarixinə nəzər salmış, məsələnin mahiyyətini geniş təhlil etmişdir. Həmin çıxış Qərbi Azərbaycana qayıdışın təməlini formalaşdırmış, geri dönüşün reallaşması üçün istiqamətləndirici amil olmuşdur.
Alim çıxışı zamanı ermənilərin əzəli torpaqlarımıza məqsədli köçürülməsindən, uydurma “Böyük Ermənistan” ideyasının gerçəkləşməsinə can atmalarından, bu məqsədlə soydaşlarımızın kütləvi qırğınlara, soyqırımlara və deportasiyaya məruz qalmasından danışıb.
Vətən müharibəsindən sonra Ermənistanla sülh sazişi ilə bağlı danışıqların son vəziyyəti barədə konfrans iştirakçılarını məlumatlandıran bölmə sədri deyib ki, Ulu öndər Heydər Əliyevinsoydaşlarımızın ata-baba yurdlarına qayıtmaları üçün apardığı uzaqgörən siyasət bu gün onun layiqli davamçısı Prezident İlham Əliyev tərəfindən uğurla davam etdirilir.
Qərbi Azərbaycan torpaqlarına qayıdışla əlaqədar olaraq Naxçıvan Muxtar Respublikasında daTədbirlər Planının təsdiq olunduğunu xatırladan İsmayıl Hacıyev bildirib ki, həmin tədbirlər planına əsasən AMEA-nın Naxçıvan Bölməsinin üzərinə müəyyən vəzifələr qoyulmuşdur. Akademik həmin vəzifələrin icrası məqsədilə bölmə əməkdaşları tərəfindəngörülmüş və icrası davam edən işlərdən danışıb.
Öz işinə məruzələrlə davam edən konfransda İncəsənət, Dil və Ədəbiyyat İnstitutunun baş direktoru, AMEA-nın müxbir üzvü Əbülfəz Quliyev “İrəvan mədəni-ədəbi mühiti”, Onomastika şöbəsinin müdiri, filologiya üzrə fəlsəfə doktoru, dosent Firudin Rzayev “Saxta erməni siyasəti və tarixi adlarımız”, Ədəbiyyatşünaslıq şöbəsinin müdiri, filologiya üzrə fəlsəfə doktoru, dosent Ramiz Qasımov “Dərələyəz mədəni-ədəbi mühiti”, Folklorşünaslıq şöbəsinin müdiri, filologiya üzrə fəlsəfə doktoru, dosent Aytən Cəfərova “Zəngəzur folklorunda milli-etnik yaddaş”, Dilçilik şöbəsinin müdiri, filologiya üzrə fəlsəfə doktoru, dosent Nuray Əliyeva “Qərbi Azərbaycan şivələrinin öyrənilməsi məsələləri” mövzusunda məruzə ediblər.
Məruzələrdə torpaqlarımıza köçürüldükdən sonra ermənilərin irəli sürdükləri əsassız ərazi iddialarından, erməni vilayətinin yaradılması ilə əzəli torpaqlarımızın işğal prosesinin başlamasından söz açılıb.
Qeyd olunub ki, ermənilərin əcdadı hesab olunan friqlər Balkanlardan qovulduqdan sonraşərqə doğru köç edərək əvvəlcə hetlərin məskunlaşdığı Hayasa əyalətində hay adını götürmüş, sonra isətürklərin yaşadığı Ərmən yaylasında məskunlaşaraq özlərini erməni adlandırmışlar. Zaman-zaman türkmənşəli yer və tayfa adlarını özününküləşdirərəkhəmin təhrif edilmiş adları və tarixi faktlarıbu gün saxtakarcasına “qədim erməni tarixi” kimi təbliğ edirlər.
Ərazilərini əzəli Azərbaycan torpaqları hesabına genişləndirmələri,bunu kütləvi qırğın, soyqırımı və deportasiya yolu ilə həyata keçirmələri etnik təmizləməyə əsaslanan saxta erməni ideologiyasının bir parçasıdır.
Vurğulanıb ki, bu şovinist siyasət İrəvandakı ziyalılara da öz mənfi təsirini göstərmiş, buradakı mədəni-ədəbi mühitə ağır zərbə vurmuşdur. Təhsil, mədəniyyət, mətbuat və başqa sahələrdə təzahür edən milli ayrıseçkilik İrəvanın mədəni irsinin məhvinə xidmət etmişdir.
Məruzələrdə həmçinin Dərələyəz mədəni-ədəbi mühitinin, Göyçə aşıq məktəbinin tanınmış simaları haqqında məlumat verilib. Söz ustadlarının yaradıcılığında vətən sevgisindən doğan ürək yanğısının ifadə olunduğu əsərlərə diqqət çəkilib.
Zəngəzur folklorunun özünəməxsusluğu, xalq təxəyyülünün məhsulu olan folklor nümunələri, xüsusilə bayatılar barədə geniş şərh verilib.
Qərbi Azərbaycanşivələrinin fonetik, leksik, qrammatik baxımdan öyrənilməsi ilə bağlı aparılan tədqiqatlardan bəhs olunub.
Konfransın sonunda dinləyicilərin sualları cavablandırılıb.
Sabaha-inamla.az





Baxış sayı: 595


Bölməyə aid digər xəbərlər