İbrahim Yusifoğlu- UŞAQ ŞEİRLƏRİ-Sabaha-inamla.az-da

Xəbər lenti

17:09 / 27-11-2025

İlham Əliyev “AZWOOL” mineral daş yunu zavodunun açılışında iştirak edib

16:57 / 27-11-2025

Kiçik qardaşın yerinə böyüyünün həbs edilməsi iddiasına - Məhkəmədən cavab

16:49 / 27-11-2025

Türkiyə Müdafiə Nazirliyi: Ukraynaya qüvvələrin göndərilməsi məsələsi atəşkəsdən sonra həll olunmalıdır

16:45 / 27-11-2025

SHOT: Meladze Moldovada xarici agent Qalkinlə eyni səhnədə çıxış etdi

16:43 / 27-11-2025

İstintaq Komitəsi 13 yaşlı qızının qətli ilə bağlı təfərrüatları açıqlayıb

16:39 / 27-11-2025

Rusiya Xarici İşlər Nazirliyi: Lavrov Vyanada keçiriləcək ATƏT Nazirlər Şurasında iştirak etməyəcək

16:36 / 27-11-2025

"The Atlantic": Zelenski seçkilərdə uduzmaq qorxusundan güzəştə getmək istəmir

16:34 / 27-11-2025

Evsiz heyvanlar problemini həll etmək üçün süni intellektdən istifadə edir

16:31 / 27-11-2025

Britaniyalı alim Kanlif: "Avropa Rusiyanı yenidən G8-ə qaytarmaqla təsirini qorumaq istəyir"

16:28 / 27-11-2025

Makron Fransada Könüllü Hərbi Xidməti elan etdi

12:20 / 27-11-2025

IJF Rusiya cüdoçularının milli bayraq altında yarışmaq hüququnu bərpa edib

12:18 / 27-11-2025

Ryabkov: "Vitkovun Moskvaya səfəri hələ də planlaşdırılır"

12:13 / 27-11-2025

Lukaşenko: "Qərb siyasətçiləri bilərəkdən müharibəyə hazırlaşırlar"

12:11 / 27-11-2025

Kirayə götürdüyü avtomobildə olan miqrant ona kömək edən bir qadını soyub

12:08 / 27-11-2025

"Politico": AB Rusiyaya qarşı hərbi təlimlər və kiberhücumlar planlaşdırır

12:05 / 27-11-2025

Putin növbəti KTMT zirvə toplantısının Moskvada keçiriləcəyini açıqladı

12:03 / 27-11-2025

Bişkek sammitində Putin KTMT qüvvələrini Rusiya silahları ilə təchiz etməyi təklif etdi

23:59 / 26-11-2025

ATV-yə bu kadrlara görə xəbərdarlıq edildi - Video

23:50 / 26-11-2025

BƏƏ prezidenti Fərid Əhmədovu qəbul edib

23:46 / 26-11-2025

Məcnun Məmmədov Gürcüstanda rəsmi səfərdədir - Fotolar+Yenilənib

23:40 / 26-11-2025

Corciya Ali Məhkəməsi Trampa qarşı yekun cinayət işini ləğv edib

23:32 / 26-11-2025

“Mənə heç yerdə heykəl qoyulmasın” - Qurban Qurbanov

23:27 / 26-11-2025

Pəncəlinin anası Prezidentə - Məktub yazdı

23:20 / 26-11-2025

Bakıda SSRİ bayrağı qaldıranlar haqda - Qərar verildi

23:16 / 26-11-2025

“Videodakı mənim qızım deyil” - Deputat Günay Ağamalı

23:09 / 26-11-2025

İlham Əliyev nazir müavinlərinə - Rütbə verdi

23:00 / 26-11-2025

CNN: ABŞ 2026-cı ildə Cənubi Afrikanı G20 tədbirlərinə dəvət etməyi planlaşdırmır

22:57 / 26-11-2025

ÇSKA "Dinamo Mahaçqala"nı məğlub edərək Rusiya Premyer Liqasının (RPL) Rusiya Kuboku Yolunun yarımfinalına yüksəldi

22:52 / 26-11-2025

22 yeniyetmə üçün saxlama mərkəzi aşkar edilib

20:36 / 26-11-2025

Peskov: "Sızıntılar"dan sonra Uitkoffun işdən çıxarılması çağırışları danışıqları pozmağa yönəlib

20:32 / 26-11-2025

Putin Qırğızıstanda milli alətdə çaldı

20:27 / 26-11-2025

Altı yaşlı oğlunu çəkic və bıçaqla öldürən qadın həbs edilib

20:25 / 26-11-2025

Bir sərnişin qadının telefonunu oğurlayan kişini saxlayıb

20:21 / 26-11-2025

"Miss Estoniya" Brigitta Şabak titulundan imtina edib

20:06 / 26-11-2025

Rusiyanın Qvineya-Bisaudakı səfirliyi prezidentin vəziyyəti ilə bağlı məlumatların ziddiyyətli olduğunu bildirir.

20:01 / 26-11-2025

Özəl reabilitasiya mərkəzinin sakini məhkəmə tərəfindən ev dustaqlığına salınıb

19:58 / 26-11-2025

Kallas Rusiya Ordusunun sayının azaldılmasını tələb etdi

19:53 / 26-11-2025

Qvineya-Bisau ordusu ölkəyə tam nəzarəti ələ keçirdiyini elan etdi

19:50 / 26-11-2025

Aktyor və rejissor Vsevolod Şilovski xərçəngdən vəfat etdi

19:47 / 26-11-2025

Peskov Ukraynada sülh yolu ilə həll prosesini ciddi adlandırdı

Bütün xəbərlər

Ən çox oxunanlar

Nərmin Daşdəmirbəyli: “Gələcək, Sosial Təhsil və Sosial Dəyərlər” adlı tədbir keçirildi

Zəngəzur dəhlizi üzrə görülən işlərlə tanış oldular - Fotolar

Türkiyə millisinin DÇ yolunda ilk rəqibi bəlli oldu

Hərbi Prokurorluq Daxili Qoşunlarda dəyirmi masa keçirdi - Fotolar

“Aysun anasının borcundan 100 min ödəyib” - Video

70 kilo qızıl qaçaqmalçılığı - Zabit məhkəmə qarşısında

Sabitliyin və inkişafın siyasi təminatçısı

Ərdoğan qəza zamanı Azərbaycanın dəstəyindən danışdı

Leyla Əliyeva festivalda... - Fotolar

“Adi bir vətəndaş “nazir hara baxır?” yazsa, bu, başadüşüləndir”

İntim videolarla məşhurlaşan Zaur azadlığa çıxdı

Prezident ailəsi STEAM Azərbaycan Festivalında - Fotolar

İbrahim Yusifoğlu- UŞAQ ŞEİRLƏRİ-Sabaha-inamla.az-da
Tarix: 30-05-2021 14:26 | Bölmə: Ədəbiyyat

1 iyun-Usaqların Beynəlxalq Müdafiəsi günüdür.

Qıymayın uşaqlara

Ay, günəş istəyirlər,
Nur ələnsin cahana.
Şeh, yağış diləyirlər,
Təbiət gəlsin cana.
İstəyirlər gül, çiçək
Ətri çöksün hər yana.
Raketləri, topları
Tuşlamayın onlara.
Tanrıdan gələn səsdi:
- Qıymayın uşaqlara!

Uşaqları gül üstə
Kəpənəklər gözləyir.
Səkilərdə gəzişən
Göyərçinlər səsləyir.
Bülbüllər, qaranquşlar
Şux nəğmələr bəsləyir.
Bu rəngarəng dünyanı
Boyamayın siz qana.
Ey insan qatilləri,
- Qıymayın uşaqlara!

Arzuları tumurcuq,
İstəkləri qönçədi.
Yaşamaq həvəsləri
Hər istəkdən öncədi.
Baxışları ovsunlu,
Gülüşləri incədi.
Dünyanın sinəsinə
Vurmayın ağır yara.
Ey insan qatilləri,
- Qıymayın uşaqlara!

Əl boyda uşaqların
Ömrünü söndürdünüz.
Gecə şirin yuxuda,
Yataqda öldürdünüz.
Neçə məsum körpəni
Ölümə güldürdünüz.
Bu vəhşi əməllərdən
Dünya gəlibdi zara.
Daha yetər, son qoyun,
Son qoyun terrorlara.
Bu tanrının səsidi:
- Qıymayın uşaqlara!

A R A B A

Yoldan çıxın:
-ba-ba-ba,
Yola çıxıb
a r a b a.
Sürəti
at surəti,
Sükanısa
cilovdu.
Cilovdan
bərk-bərk tutan
Od parçası
Bilovdu.
Bilov çəkir
yüyəni,
Boylanır
sağ- soluna.
Arabanı
döndərir
Bir an bostan
yoluna.
Bu yolla
gedə bilməz
Nə “Mersedes”,
nə də”CİP”.
Ancaq bizim
a r a b a
Öz yolunu
düz seçib.
Neçə çuxur,
gölməçə,
Qarşısına
çıxsa da,
Asanlıqla
adlayır,
Bu yollardan
a r a b a .
Təkərlərin
tak—tuku,
Səs salsa da
dörd yana,
Arabamız
yetışir,
Göz oxşayan
bostana.
Siqnal verir:
-ba- ba- ba.
-Ay uşaqlar,
tez dərin,
Qovun, qarpız,
ş a m a m a .
Qovunlar
əzilər ha...
Bircə-bircə
bələyin
Arabada
samana.
...Tutan kimi
yükünü,
Yola çıxır
a r a b a.
Siqnal verır:
-ba-ba-ba.
-Aparırıq
sovqatı,
Bağçada
u ş a q l a r a !

A Y N A

Bu şirindil , gülbala,
Mehriban qız Aynadı.
Əlləriylə tutduğu
Balaca bir aynadı.

Ayna aynaya baxcaq,
Qanı yaman qaynadı.
Aynadakı qiz ilə
Deyib-gülüb , oynadı!

Düş gəl yerə,güləşək

Araz deyir :-Ay Günəş,
İşığın aşıb- daşır.
Sənə baxa bilmirəm,
Gözlərim bərk qamaşır.

Qaçıb çıxmısan göyə,
Cığallığından əl cək.
Əgər məndən qorxmursan,
Düş gəl yerə güləşək!

QARIŞQALAR

Yuvaları önündə ,
              Qarışqalar qaynayır.
             Toxunmayın onlara,
             Bir- biriylə oynayır.

Hücum    vaxtı xırmana,
              Düzülürlər sıraya.
              Buğda dənələrini,
              Tez alırlar araya.

Yolda hansı yorulsa,
              Köməyinə   çatırlar.
              Mənzilə   yetənəcən,
              Lap qan –tərə batırlar.

Qış   uzunu havalar,
              Şaxta olsun,ya da qar,
              Yeməyin azlığından,
               Qorxmayır qarışqalar!

TUT AĞACI

Tutağacı,   tutlara de,
             Yenə dava başlamasın .
            Mən kölgəndə uzanmışam
             Məni üstən daşlamasın.
             Təzə   köynək geyinmişəm,
            Üst- başımı yaşlamasın!

Ç A Y D A N

Qazın üstündə çaydan,
                   Özünü bərk saxladı.
                   Alovlar qəzəblənib,
                  Onu yaman dağladı.
                  Yazıq çaydan dözməyib,
                  Hönkür-hönkür ağladı!

Ç I R A Q

Çıraq    yanır bayaqdan,
              İşığını az salır.
              Nəsə olub çırağa,
              Yamancana sozalır.

Akif dedi:-Bilirəm,
              Əlacını cox asan.
              Gərək onun astaca,
              Qulağını burasan.

ALMA NEYNİR ALMANI

Babanın   gətirdiyi ,
                 Boğça dolu almadı.
                 Almaya alma    verdi,
                 Alma alma almadı.

Alma dedi:_ almaram.
                 Almanı ,     baba canı.
                 Mənim özüm almayam,
                 Alma neynir almanı!

ULDUZLAR YERƏ YAĞIR

-Babacan, ay babacan,
                    Nənəni də tez çağır.
                    Göydə olan ulduzlar,
                   Qar olub yerə yağır.

Ulu dağların

Şiş qayaları
Göyləri qucar.
Zirvələrində
Qartallar uçar –
Sərt, əzəmətli
Ulu dağların
****
Gədiklərində
Dənər qar saxlar
Ətəklərində
Buludlar çağlar –
Dupduru, bumbuz
Sulu dağların
      ****
Öz donlarını
Buluddan seçər.
Qorxunc keçiddən,
Aşırımdan keçər –
Cığırı, izi,
Yolu dağların
****
Dağ lalasını
Külək qoxlayar.
Bal, armud dadın,
Ayı yoxlayar –
Barla, bəhərlə
Dolu dağların
     ****
Pələng nərəsi
Qəlbləri dağlar.
Ceyranlar hürkər,
Cüyürlər ağlar –
Səngərə dönər
Kolu dağların.
****
Yayda qoynuna
Qonaqlar gələr.
Çadırlar qurub
Burda dincələr –
Meşədi sağı,
Solu dağların.
      ****
Görünməz gözə,
Ucu-bucağı.
Gəzsən qurtarmaz
Yaxın-uzağı –
Uzanıb gedər
Qolu dağların
05.01.2020

Göy Yerə zəng eyləyir

Hava yaman tutulub,
                                        Şimşək hay-küy eyləyir.
Topa-topa buludlar
                                        Yerə yağış ələyir.
                                        Baxıb yağan yağışa,
                                        Uşaqlar söz söyləyir;
                                        İlkin deyir: - Bu yağış
                                        Yeri lap dəng eyləyir.
                                        Toğrul deyir: - Damcılar
                                        Bax, yerlə cəng eyləyir.
                                        Araz deyir: - Uşaqlar
                                        Göy Yerə zəng eyləyir.

Külək apardı

- Aysun əlində
Şarların vardı.
                                         - Baba, şarları
                                         Külək apardı.

- Aysun, bəs sənin
                                          Güllərin hanı?
                                        - Külək apardı,
                                          Babanın canı.

- Aysun, telindən
                                          Bantı kim açdı?
                                        - Bantımı külək
                                          Açdı və qaçdı.

- Aysun, heybəndə
                                          Bu nar nə nardı?
                                        - Baba budaqdan
                                          Külək qopardı.

- Aysun, sən sabah
Bəs nə edəssən?
Bağçaya şarsız
Bantsız gedəssən?

İstədim alam
                                          Sənə bant, şarı.
                                          Əlimdən pulu
                                          Külək apardı.

“ŞEYTAN BALA”

Babamın dəcəl
Quzusu vardı.
Rəngi elə bil
Ağappaq qardı.
Yaman dəcəldi,
Yaman bəladı.
Hələ adı da
“Şeytan bala” dı.
Səslədim mən də,
Gəlmədi quzu.
Göstərdim ona
Bir ovuc duzu.
Yanıma qaçdı,
Xoş görkəm aldı.
Əlimdən öpdü,
Duzu yaladı.

Ç A Q Q A L A

Budaqlardan sallanan,
Çaqqaladı ,çaqqala.
Bir cibyığdım yeməyə,
Babam dedi:--dur, bala !

Əgər yesən çaqqala,
Dodaqların büzülər.
Dişlərin bərk qamaşar,
Göz yaşların süzülər.

Günəşdən nur əməcək,
Morlananda çaqqala,
Yamanca xoş gələcək,
Uşağa, ağsaqqala.

ÜZƏRRİK

Ay üzərrik, üzərrik,
            Sizi koldan üzərik.
             Boyunbağı eyləyib,
            Sinəmizə düzərik!

QUMRUDU

-Budağa qonub baxan,
O quş necə yumrudu.
-Tanımadın, ay Araz,
Onun adı Qumrudu.

G Ü N Ə B A X A N

Günəbaxan, günəbaxan ,
Ay özünü   günə yaxan.
Quşlar   səni   dənləyəcək,
Açıq   qalıbaxı yaxan.

Po l i s ə m i

Polis əmiyə baxın,
                   Hamı keçiddən keçir,
                   Təkcə yolda o qalır.
                    Küçənin ortasında
                    Özü də ki, fit çalır.

Nar çiçəyi

Hər ağacın, hər kolun.
                   Özünün   var çiçəyi.
                   Mənə daha xoş gəlir,
                   Bağçada nar çiçəyi.

Kolların budaqları,
                   Al-qırmızı bələnib.
                  Çiçəklərin üstünə
                    Mirvarı şeh ələnib.

Günəşdən   nur əmərək,
                  Onlar bara dolacaq.
                    Çiçəklərim payızda
                   Gülöyşə nar olacaq.

KÜFTƏ

-Uşaqlar, bişirdiyim,
                 Yumru, yumru kündədi.
                  Kim adını tez desə,
Biri ona müftədi.

Səttar dedi:- Ay nənə,
                Mən deyim adı nədı.
                 İyindən bilirəm ki,
                 Bişirdiyin küftədı.

ƏRİŞTƏ

-O hansı yeməkdi ki,
         Un ələkdən ələnir.
         Sonrasa xəmir olur
         Balaca kündələnir.

Bu balaca kündələr,
Oxlovla ovxalanır.
Doğram- doğram doğranıb,
Sonra ipdən sallanır.

Hələ onu bişirmək,
Tələb edir səriştə.
Aymir deyir:-Ay nənə,
Əriştədi, əriştə!

Baxış sayı: 1 214