Bazar ertəsi, 17 mart 2025, 00:56:37  
Son xəbərlər:
Qətlin üstü 13 ild-
Bütün xəbərlər
Sumqayıtda şair Məmməd İlqarın 75 illik yubileyi keçirilib-VİDEO+FOTOLAR
Tarix: 16-03-2025 02:44 | Bölmə: Ədəbiyyat

Sumqayıt şəhərində Əli Kərim adına Poeziya Evinin və Yazıçılar Birliyinin Sumqayıt bölməsinin təşkilatçılığı ilə tanınmış şair Məmməd İlqarın 75 illik yubileyi keçirilib.
                         
                         
                         
                         
                         

Tədbiri giirş sözü ilə Poeziya Evinin direktoru İbrahim İlyaslı açaraq deyib: "Məmməd İlqarın Azərbaycan dilinin bütün incəliklərinə dərindən bələd olmağı, bir söz zərgəri kimi necə incəliklə mətləbini çatdırmağı, necə incəliklə insanlara müraciət eləməyi, bir sözlə Azərbaycan heca şeirinin ən ünlü, ən ciddi isimlərindən biridir Məmməd İlqar.Şeirləri aşıqların, sənətçilərin dilinin əzbəridir. Sadə xalqın dilində əzbərdir. Bütün bunlar ona görədir ki, Məmməd İlqarın poeziyası xalq tərəfindən bu qədər sevilir. 
                         
                         
                         
                         
                         

Hərçənd ki, Məmməd İlqar heç vaxt, heç zaman özünü təbliğ eləməklə nə məşğul olmayıb, nə də onun yaradıcılığını təbliğ eləməklə məşğul olanlar olmayıb.Məmməd İlqarın poeziyasının,Məmməd İlqarın təbliğatının sahibi onun özünün şeirləridir". 
Tədbirdə çıxış edən şair Elçın Hüseynbəyli Yazıçılar birliyi adından, Gülnarə Cəmaləddin AYB-nin Sumqayıt bölməsi adından, Fərman Kazımov Sumqayıt şəhər İcra Hakimiyyəti adından, İlham Pirməmmədov “Qazax” Xeyriyyə İctimai Birliyi İdarə Heyətinin adından şairə Diplom və Fəxri Fərman təqdim ediblər. Rəşid Süleymanov isə şairi "Dədə Ələsgər" medlı ilə təltif edib.
                        
                        
                        
                        
                        
Çıxış edənlər Eldar İsmayılov, şəhid anası Ülviyyə Nəbiyeva, Əhməd müəllim, Bəsti Əlibəyli, Çiçək Mahmudqızı, Rafiq Yusifoğlu və başqaları Qazax rayonunun Aslanbəyli kəndində ziyalı ailəsində anadan olmuş sonradan Sumqayıta köçmüş  Məmməd İlqarla bağlı xatirələrini və onun həyat və yaradıcılığı barədə  danışıblar.
Tədbirdə aşıqlar tərəfindən Məmməd İlqarın sözlərinə yazılmış mahnı ifa olunub.
Sonda şairin oğlu Babək Məmmədli bu tədbirin təşkilində zəhməti olan hər bir kəsə öz minnətdarlığını bildirib.
Namiq MƏMMƏDLİ
Sabaha-inamla.az

https://www.facebook.com/namiq.memmedli.9/videos/1435210617848880

              














Baxış sayı: 286


Bölməyə aid digər xəbərlər