Bütün xəbərlər
Sumqayıt şəhərində Natəvan Dəmirçioğlunun "Açar" romanının təqdimatı keçirilib-VİDEO+FOTOLAR
Tarix: 02-03-2025 22:59 | Bölmə: Ədəbiyyat
Sumqayıt şəhərində  Əli Kərim adına Poeziya Evində yazıçı, jurnalist, publisist, filologiya üzrə fəlsəfə doktoru Natəvan Dəmirçioğlunun "Açar" romanının təqdimatı keçirilib.
                      
                      
                      
                      
                      

Tədbirdə yazıçının qələm dostları, kitabsevərlər, ziyalılar, ictimaiyyət nümayəndələri iştirak ediblər.
Tədbiri giriş sözü ilə Sumqayıt Poeziya Evinin direktoru İbrahim İlyaslı açıb.
Tədbirdə çıxış edən millət vəkili Vüqar Rəhimzadə, tənqidçi Məti Osmanoğlu, şair Əkbər Qoşalı, Hikmət Fərzəli, jurnalist Bəhruz Niftəliyev, filologiya üzrə fəlsəfə doktoru İlhamə Qəsəbova, Leyla Məmmədəliyeva, Famil Mədətov  və digər alimlər, ziyalılar müəllifin həyat və yaradıcılığı haqda danışıblar.Onun "Açar" romanı barədə fikirlərini bildiriblər.
Azərbaycan Milli Konservatoriyasi nəzdinda Sumqayıt musiqi kollecinin simli kvartetinin bədii rəhbəri Könül Bəkirova, tələbələri Susay Əsgərova,  Şükran İbrahimli skripkada, kollecin populyar musiqi ve caz ifaçılığı 
                         
                         
                         
                         
                         

şöbəsinin tələbələri-Nihad Ibadov,Gülşən Şıxəhmədova, Efruzə Sadıqova,Şəfəq Mikayılzadə, pianoda əməkdar müəllim Firəngiz Xəlilovanın müşaiyəti ilə vətənpərvər ruhlu mahnılar ifa ediblər.
Sonda müəllif Natəvan Dəmirçioğlu belə deyib: "Bu gün sizi dinlədikcə mən özüm haqqında düşünmədim, 12 yaşlı qız haqqında düşündüm.O qız ki, elə bu yaşında anasını itirmişdi.Onu atası beş bacısı ilə bir yerdə ömrünün axırına kimi saxladı.O, İnstitut oxudu, əsərlər yazdı. Onun əsərləri dünyanın müxtəlif dillərinə tərcümə olundu.Dünyanın nüfuzlu jurnallarında çap olundu. Onun yubileyi Azərbaycanın əsas mədəniyyət ocaqlarından birində keçirildi.O yetimliyi hiss etmədi.Amma həyatının elə məqamları oldu ki, harda haqqı danıldı, harda layiq olduğu yerdə oturmadı.Onun haqqını bir başqasına verdilər. Onda o yetimliyi hiss elədi.Amma bütün bunlara rəğmən o yenədə öz yoluna davam etdi.Bu yolda onun bir dənə istinadgahı Tanrı və dövlət oldu.Həmişə Tanrısı başının üstündə, həmişə dövlətin yanında oldu. Bax, o qız bu gün çox sevinir. O sevinci  ona bağışladığınıza görə hər birinizə təşəkkür edirəm.Siz təkcə məni sevindirmədiniz, özünüz üçün bir dünya savab qazandınız.Siz dünyanın içində dünya qazandınız. Çünki bu havada heç kəs gəlməyə bilərdi.İki-üç nəfər qala bilərdik.Amma siz ürəyinizin istiliyi ilə, gözlərinizdəki o parıltı ilə, üzünüzdəki o təbəssümlə buranı elə bir gözəlliyə çevirdiniz ki, mən düz əlli il bundan əvvəlki həyatıma qayıtdım.Birdə mən bütün ömrümü bu gün burda yaşadım. Bunun üçün sizə təşəkkür edirəm!"
Namiq MƏMMƏDLİ
Sabaha-inamla.az
             
             
             
             
             
              






Baxış sayı: 384


Bölməyə aid digər xəbərlər