Bütün xəbərlər
"Azərbaycan" jurnalının kollektivi oxucularla görüşüb-VİDEO+FOTOLAR
Tarix: 08-05-2025 23:12 | Bölmə: Ədəbiyyat
Sumqayıt şəhərində AYB Sumqayıt bölməsi, Abşeron- Xızı Regional Mədəniyyət İdarəsi Əli Kərim adına Sumqayıt şəhər Poeziya Klubunun təşkilatçılığı ilə "Azərbaycan" jurnalının kollektivi ilə görüş keçirilib.
                         
                         
                         
                         
                         


Tədbirdə alimlər, şairlər, yazıçılar, jurnalistlər, poeziyasevərlər iştirak ediblər.
Sumqayıt şəhər Poeziya Klubunun müdiri İbrahim İlyaslı tədbir iştirakçılarını  salamlayaraq  "Azərbaycan" jurnalının kollektivini oxuculara təqdim edib. 
Söz  "Azərbaycan" jurnalının baş redaktoru İntiqam Qasımzadəyə verilib. O deyib:"Azərbaycan" jurnalı 1923-cü ildə təsis olunub, bu günə qədər nəşrini davam etdirir.Bu jurnala mən ilk dəfə 10 yaşında qədəm qoymuşam.Mən 3-cü sinifdə oxuyanda atam bu jurnalın poeziya şöbəsinə işləməyə gəlib.Mənim məktəbim də Yazıçılar İttifaqı ilə üzbəüz olduğu üçün məktəbdən çıxanda atamın yanına gələrdim.1953-cü ildən mən  "Azərbaycan" jurnalına gəlib gedirəm.1975-ci ildən bu jurnalda işləyirəm.Artıq "Azərbaycan" jurnalı məm hüceyrələrimdədir, qanımdadır, canımdadır. Bura mənim doğma evimdir. Bura mənim atamın işlədiyi bir yerdir.Bura bizim ədəbiyyatımızın qaynar qazanıdır. Böyük ədəbiyyatımızın, nəsrimizin çap olunduğu bir yerdir. Mən burdan öz xoşumla heç yerə gedən deyiləm. Artıq sizin qarşınızda yaşlı, qoca bir kişi, "Azərbaycan" jurnalının baş redaktorudur". 
                         
                         
                         
                         
Tədbirdə  tənqidçi Nərgiz Cabbarlı, baş redaktorun müavini Südabə Ağabalayeva, şöbə müdirləri Azad Yaşar, Qəşəm Nəcəfzadə, baş redaktorun müavini Məmməd Oruc, tənqidçi Vaqif Yusifli, məsul katib Vüsal Nuru çıxış edərək "Azərbaycan" jurnalının uzun illik fəaliyyətindən, orda işıq üzü görən sanballı əsərlərdən danışıblar,  şeirlər oxuyublar.
Şair Əşrəf Şəfiyev, Rafiq Yusifoğlu, jurnalist Sübhan Qafarov və digər yaradıcı şəxslər çıxışlarında "Azərbaycan" jurnalı haqqında öz fikirlərini bildiriblər.
Namiq MƏMMƏDLİ
Sabaha-inamla.az
              
              
              
                        
                        






Baxış sayı: 100


Bölməyə aid digər xəbərlər