Bütün xəbərlər
Sumqayıt şəhərində Güləmail Muradın "Beş Ulduz" adlı kitabının təqdimatı keçirilib-VİDEO+FOTOLAR
Tarix: 07-05-2025 10:44 | Bölmə: Ədəbiyyat

Sumqayıtda-Poeziya Evində Azərbaycan Yazıçılar Birliyinin əməkdaşı, tanınmış şair Güləmail Muradın şəhidlərimizə həsr etdiyi "Beş Ulduz" adlı kitabının təqdimatı keçirilib. 


              
              
              
              
             
              

Tədbiri  AYB Sumqayıt bölməsi və Əli Kərim adına Sumqayıt şəhər Poeziya Klubu təşkil edib.
Tədbirdə şəhidlər bir dəqiqəlik sükutla yad olunub.Dövlət himni səsləndirilib.
Tədbiri giriş sözü ilə açan Poeziya Evinin direktoru İbrahim İlyaslı deyib: "Bu gün bizim çox dəyərli şairimizin, Azərbaycan Yazıçılar Birliyinin üzvü və əməkdaşı əsərlərinin çox hissəsi şəhidlərimizlə və Vətən qəhrəmanları ilə bağlı olan  Güləmail Muradın yeni bir kitabının təqdimatına, imza gününə toplaşmışıq."Beş ulduz" beş şəhiddən bəhs edən bir kitabdır. Güləmail xanım daha çox vətənpərvərlik mövzusunda əsərlərə imza atıbdır. Çoxsaylı kitabları var. Bu kitablara bizim yazıçılarımız, alimlərimiz, akademiklərimiz ön söz yazıbdır.Vətənpərvərlik mövzusunda yazdığı əsərləri, Azərbaycan, 44 günlük müharibə haqqında bu yaxınlarda Orta Asiyada səfərdə olarkən ordakı türklərə, yazıçılara, oxuculara çadırıb.Xarici ölkələrdə xeyli kitabları nəşr olunubdur.Xeyli ciddi ədəbi mükafatların laureatıdır.Oxucular tərəfindən çox sevilən şairimizdir". 
Tədbirdə AYB Sumqayıt bölməsinin sədri Gülnarə Cəmaləddin, Ofelya Babayeva, Əsəd Cahangir, Rafiq Yusifoğlu, Osman Musayev, Əzizə Ağahüseynqızı, Lilpar Cəmşidqızı, Aygün Hacıyeva, Əlisəfa Əhmədoğlu, şəhid anaları Sürəyya Nəsibova, Narifə Əhmədova çıxış edərək Güləmail Muradın yaradıcılığı və 44 günlük müharibədə şəhidlərimizin göstırdiyi qəhrəmanlıqlardan danışıblar, Sumqayıt məktəblisi Emil Ramazanlı isə müəllifin şeirini söyləyib. 

                        
                       
                        
                        
                        
 Sonda müəllif tədbirin təşkilində əməyi olan hər bir kəsə öz minnətdarlığını bildirib. 
Namiq MƏMMƏDLİ
Sabaha-inamla.az
           

                       
                       
                       
                       
                       




Baxış sayı: 188


Bölməyə aid digər xəbərlər