01:29 / 22-06-2021
Türkiyədə zəlzələ oldu
02:56 / 21-06-2021
Azərbaycanda zəlzələ oldu
“Bir prezidentin sözü ilə bir millət soyqırımı törədən ola bilməz”
Tarix: 27-04-2021 20:29 | Bölmə: Siyasət

                “Bir prezidentin sözü ilə bir millət soyqırımı törədən ola bilməz”


“ABŞ Prezidenti Co Baydenin 1915-ci ildə baş vermiş hadisələri “erməni soyqırımı” kimi qiymətləndirməsi heç də ürəkaçan olmayan Türkiyə –ABŞ münasibətlərinə ciddi zərbə vurmuş oldu”.
“Qafqazinfo” xəbər verir ki, bu barədə millət vəkili Müşfiq Məmmədli ABŞ prezidenti tərəfindən dilə gətirilən saxta "erməni soyqırımı" məsələsini şərh edərkən bildirib. 
Onun sözlərinə görə, beynəlxalq münasibətlər sistemində ikili standartlar siyasətini yürüdən ABŞ tarixçilərin üzərinə düşən məsələ ilə bağlı prezident səviyyəsində bəyanat verməklə qərəzli mövqeyini açıq şəkildə ortaya qoymuş oldu: “Əlbəttə bir prezidentin sözü ilə bir millət soyqırımı törədən ola bilməz və bu açıqlamanın nə tarixi, nə də ki siyasi baxımdan heç bir dəyəri, sübutu yoxdur. Dəfələrlə Türkiyə dövlətinin müraciətlərinə baxmayaraq, arxivlərin açılması, tarixi həqiqətlərin üzə çıxması prosesi məhz elə ermənilərin havadarları olan dövlətlər tərəfindən cavabsız qalıb. Tarixi təhrif edərək təbliğat maşını yalan istehsal edən erməni diasporasını razı salmaq, ona sırınmaq istəyən Baydenin heç də uzaq keçmiş olmayan Xocalı soyqırımına biganə qalması, göz yumması ədalət prinsiplərini ayaqlamaq deməkdir”.
M. Məmmədli həmçinin əlavə edib ki, 30 il müddətində ATƏT-in Minsk qrupu çərçivəsində Ermənistan –Azərbaycan arasında olan münaqişənin həlli yolunda bir addım atmayan, əksinə ermənipərəst mövqe ortaya qoyan ABŞ haqq-ədalətdən danışa bilməz:
“Uzun müddət işğal altında qalmış torpaqlarımızın ermənilər tərəfindən vandalizmə məruz qalması, şəhərlərin viran qoyulması nədənsə Baydenin diqqətini cəlb etməyib. Özünü demokratiyanın beşiyi adlandıran ABŞ bilməlidir ki, “bir millət, iki dövlət” şüarını özünə əsas seçən Türkiyə və Azərbaycana yönəlmiş saxta siyasət iflasa məhkumdur. Prezident İlham Əliyev və qardaş Türkiyə dövlətinin Prezidenti Rəcəb Tayyib Ərdoğan regionda sülhün təminatçısıdır. ABŞ-ın görülən işlərə kölgə salmaq, yenidən bölgəyə barıt atmaq planı isə baş tutmayacaq”.


Baxış sayı: 108


Bölməyə aid digər xəbərlər