Bütün xəbərlər
İlon Mask Avropada terror dalğası təhlükəsi barədə xəbərdarlıq etdi
Tarix: 05-04-2025 21:18 | Bölmə: Dünya

 Amerikalı sahibkar, səmərəlilik şöbəsinin rəhbəri və ABŞ prezidentinin baş müşaviri İlon Mask Avropada terror dalğası təhlükəsi barədə xəbərdarlıq edib.
Sabaha-inamla.az rus mətbuatına istinadən xəbər verir ki, milyarder İtaliyanın hakim koalisiyasına daxil olan Liqa partiyasının Florensiyada keçirilən qurultayında videobağlantı vasitəsilə danışıb.
"Terrorizm Avropada qırğınlara səbəb olacaq, hamı təhlükədədir, çünki biz İtaliyada və ümumilikdə Avropada hücumların əhəmiyyətli dərəcədə artacağını görəcəyik və media bu cür hücumlar təhlükəsini susdurmağa çalışır", - "Corriere della Sera" Maskın sözlərindən sitat gətirib.
Bundan əvvəl iş adamı “istənilən ölkəni məhv edə biləcək” kütləvi miqrasiya təhlükəsi barədə xəbərdarlıq etmişdi. Bundan əlavə, o, söz azadlığını məhdudlaşdırmağa çalışanları əsl faşist adlandırıb.
Bundan əvvəl ABŞ-ın vitse-prezidenti J.D.Vens milli sərhədlərə nəzarət edə bilməməsi və vətəndaşlar arasında söz azadlığını məhdudlaşdıra bilməməsi səbəbindən Avropa ölkələri üçün “sivilizasiya intiharı” riski barədə xəbərdarlıq edib.



Baxış sayı: 33


Bölməyə aid digər xəbərlər