İspaniyanın Astun xizək kurortunda liftin çökməsi nəticəsində ən azı 30 nəfər xəsarət alıb, "Expansión" qəzeti xəbər verir.
Sabaha-inamla.az rus mətbuatına istinadən xəbər verir ki, hadisə Araqon muxtar vilayətində baş verib.
“Heraldo de Araqon” qəzeti də bildirir ki, lift kabellə bağlı problemlərə görə sıradan çıxmış ola bilər, lakin hadisənin dəqiq səbəbləri hələ müəyyən edilməyib. Liftin 15 metr hündürlükdən düşdüyü bildirilir.
Hazırda KİV-in məlumatına görə, ölən yoxdur, ərazidəki bütün xəstəxanalar yüksək hazırlıq vəziyyətindədir.Hadisə yerində beş helikopter, həmçinin bir neçə yanğınsöndürən və təcili yardım maşınları var.
Araqon hökumətinin başçısı Xorxe Azkon X sosial şəbəkəsində hadisədən xəbərdar olduğunu və hadisə yerinə getdiyini bildirib.