09:10 / 18-07-2024
Bayden koronavirusa yoluxub
Bütün xəbərlər
Botulizm diaqnozu ilə xəstəxanaya yerləşdirilən 14 Nijni Novqorod sakinindən 12-si reanimasiyadadır
Tarix: 18-06-2024 10:52 | Bölmə: Sosial

Nijni Novqorod vilayətində botulizm əlamətləri ilə xəstəxanaya yerləşdirilənlərin sayı 14-ə çatıb.
Sabaha-inamla.az rus mətbuatına istinadən xəbər verir ki, onların arasında bir uşaq, 12 nəfər reanimasiyadadır.
Bir gün əvvəl 12 nəfərin xəstəxanaya yerləşdirildiyi bildirilir. Rospotrebnadzorun regional şöbəsi epidemioloji araşdırmaya başlayıb. İlkin məlumatlara görə, bütün qurbanlar "Samokat" qida çatdırılması xidməti vasitəsilə sifariş edilən "Localkitçen" MMC-dən Lobio Salatını istehlak ediblər.
Şübhəli məhsullar anbarlardan çıxarılır. Baş vermiş hadisə ilə bağlı İstintaq Komitəsinin rayon istintaq şöbəsi tərəfindən “istehlakçıların həyat və sağlamlığının təhlükəsizliyinə dair tələblərə cavab verməyən xidmətlərin göstərilməsi” maddəsi ilə cinayət işi açılıb.
Bundan əvvəl Moskvada 120-dən çox insan botulizm əlamətləri ilə həkimlərə müraciət edib, onlardan 55-nin vəziyyəti ağır idi. Kazanda botulizm şübhəsi ilə 6 fakt qeydə alınıb. Rospotrebnadzor xəstəliyə səbəb ola biləcək məhsulların satışını dayandırdı və zərərçəkənlərin “Localkitçen” MMC-dən “Lobio Salat” və “Gastroport” MMC-dən “Tuna, lobya və alma ilə salat” istehlak etdiklərini müəyyən etdi.
Botulizm sinir sisteminin zədələnməsinə səbəb olan və çirklənmiş məhsulların istehlakı nəticəsində yaranan, inkubasiya müddəti iki saatdan beş günə qədər olan yoluxucu xəstəlikdir.


Baxış sayı: 193


Bölməyə aid digər xəbərlər