18:50 / 15-11-2026
Zəlzələ baş verib
Bütün xəbərlər
Qazaxıstan iki ay müddətində toyuq yumurtası idxalını qadağan etdi
Tarix: 16-11-2026 11:58 | Bölmə: Sosial


Qazaxıstan Kənd Təsərrüfatı Nazirliyi Avrasiya İqtisadi Birliyinə (AAİB) üzv dövlətlər də daxil olmaqla bütün ölkələrdən toyuq yumurtası idxalına qadağanı yenidən tətbiq etdi.
Sabaha-inamla.az rus mətbuatına istinadən xəbər verir ki, Nazirliyin əmrinə əsasən, məhdudiyyət iki ay - 2027-ci ilin yanvar ayının ortalarına qədər qüvvədə olacaq.
Müvafiq sənəd 12 noyabrda imzalanıb.O, respublikanın normativ aktlarının onlayn məlumat bazasında rəsmi dərc edildikdən sonra artıq qüvvəyə minib.
Oxşar məhdudiyyətlər 2025-ci ildə və 2026-cı il ərzində dəfələrlə yenidən tətbiq edilib. Yumurta idxalı sonuncu dəfə 2026-cı ilin aprel ayında qadağan edilib, həmin vaxt tədbir altı ay müddətində qüvvədə olub. Hakimiyyət orqanları bu qərarların səbəbi kimi yerli istehsalçıların dəstəklənməsinin vacibliyini göstəriblər.
Qadağa Qazaxıstandan keçən tranzit daşımalara şamil edilmir.Bundan əlavə, sərəncam qüvvəyə minməzdən əvvəl gömrük prosedurlarına yerləşdirilən və ya artıq respublika sərhədini keçmiş yumurta partiyalarının idxalına icazə verilir.



Baxış sayı: 19


Bölməyə aid digər xəbərlər