Bütün xəbərlər
Şəhid Hikmət Əliyev və Məhərrəm Əzizovun dəfnindən-FOTOLAR
Tarix: 19-05-2024 11:56 | Bölmə: Sosial

13 may 2024-cü ildə 1993-cü ildə Ağdamda I Qarabağ döyüşləri zamanı itkin düşən hərbçi Əliyev Hikmət Zili oğlu və mülki şəhid Əzizov Məhərrəm İsmayıl oğlu dəfn olundu.
    Əliyev Hikmət Zili oğlu 01.01.1974-cü ildə Mərzili kəndində dünyaya gəlib.1990-cı ildə Mərzli kənd orta məktəbini bitirib.
    1992-ci ildə Azərbaycan Milli ordusunda hərbi xidmətə başlayıb.Vətənin müdafiəsi və azadlığı uğrunda erməni işğalçılarına qarşı döyüşüb.Xocavənd rayonunun Qarakənd, Ağdam rayonunun Abdal-Gülablı, Bağbanlar, Şelli, Muğanlı və başqa kəndlərin ermənilərdən azad edilməsi zamanı döyüş əməliyyatlarında olub.
     Döyüşlərin birində ayağından yaralansa da, Ağdamın ermənilər tərəfindən işğalı zamanı şəhəri müdafiə etmək üçün döyüşə atılır.Sarıcalı kəndi yaxınlığında yoldaşlarının geri çəkildiyini görən Hikmət ( döyüş yoldaşlarının dediklərinə görə) «adam da ermənidən qorxar» deyib ayağa qalxır və irəliləyən düşmənə atəş açır.Hikmət düşmən tərəfdən neçəsin yaralayıb, neçəsin öldürsə də bilən olmur.Güclü hücuma keçən düşmən onu aramsız atəşlə şəhid edirlər.Hikmətin nəşini götürmək mümkün olmur.Həmin gündən itkin hesab olunur.       
     Sarıcalı kəndində nəşi tapılan ikinci itkin hesab olunan şəhidimiz mülki Əzizov Məhərrəm İsmayıl oğlu 1958-ci ildə Ağdam şəhəri H,Aslanov küçəsində dünyaya gəlib.Ağdam şəhərdə 3 saylı şəhər orta məktəbini bitirib.1993-cü ildə itkin düşüb.2 oğlu, 2 qızı var. 

Sabaha-inamla.az



Baxış sayı: 400


Bölməyə aid digər xəbərlər