Bütün xəbərlər
Moskvanın mərkəzində texniki universitetin damında baş verən yanğın söndürülüb
Tarix: 30-03-2024 15:34 | Bölmə: Sosial

Paytaxtın yanğınsöndürənləri şənbə günü Bauman adına Moskva Dövlət Texniki Universitetinin damında baş vermiş yanğını söndürüblər.
Sabaha-inamla.az rus mətbuatına istinadən xəbər verir ki, Rusiya Fövqəladə Hallar Nazirliyi Moskvada Bauman adına Moskva Dövlət Texniki Universitetinin binasının damında baş verən yanğının söndürüldüyünü bildirib. Ölən və yaralananlar olmayıb. Daha əvvəl yanğının 40 kvadratmetrə yaxın ərazini əhatə etdiyi bildirilib.
Paytaxtın Nəqliyyat Departamentindən verilən məlumata görə, fövqəladə hallar xidmətinin əməkdaşları işləyərkən 2-ci Baumanskaya küçəsində avtomobillərin hərəkəti məhdudlaşdırılıb. Yanğının başvermə səbəbləri araşdırılır.


Baxış sayı: 106


Bölməyə aid digər xəbərlər