Bütün xəbərlər
Ağalarovlardan terror qurbanlarına 100 milyonluq yardım
Tarix: 27-03-2024 22:46 | Bölmə: Sosial

agalarovlardan-terror-qurbanlarina-100-milyonluq-yardim


“Crocus Group” şirkətinin prezidenti Araz Ağalarov və oğlu Emin Ağalarov “Crocus City Hall”da baş verən terror aktı zamanı zərərçəkənlərə yardım üçün Müslüm Maqomayev Fonduna 100 milyon (1,8 milyon AZN) rubl köçürüb.
Sabaha-inamla.az “Qafqazinfo”ya istinadən xəbər verir ki, bu barədə şirkətin saytında məlumat verilib.
Bildirilib ki, vəsait xəsarət alanların ailələrinə müalicə, bərpa, reabilitasiya və digər ehtiyaclarını ödəmək üçün yönəldilib.
Şirkət həmçinin qeyd edib ki, Müslüm Maqomayev Fondu həlak olanların ailələrinə təcili və uzunmüddətli yardım üçün vəsait toplamağa başlayıb.
Yaxın vaxtlarda ianə toplanışında iştirak etmək istəyənlərin müraciətlərinə baxılması üçün “Çağrı mərkəzi” fəaliyyətə başlayacaq və vəsaitin xərclənməsi ilə bağlı hesabatlar fondun internet saytında dərc olunacaq.
Məlumata görə, artıq bir çox sənət adamları, Ağalarovlar ailəsinin dostları və şirkətin biznes tərəfdaşları öz töhfələrini verəcəklərini bildiriblər.


Baxış sayı: 125


Bölməyə aid digər xəbərlər