Bütün xəbərlər
Rusiya Federasiyası və Misir prezidentləri Ed-Dabaa atom elektrik stansiyasının yeni blokuna beton tökmək əmri verəcəklər
Tarix: 21-01-2024 17:09 | Bölmə: Sosial

Gələn həftə Rusiya prezidenti Vladimir Putin Misir lideri Əbdülfəttah əs-Sisi ilə birlikdə Ed-Dabaa atom elektrik stansiyasının tikintisinin yeni mərhələsinə həsr olunmuş mərasimdə iştirak edəcək.
Sabaha-inamla.az rus mətbuatına istinadən xəbər verir ki, Rusiya prezidentinin mətbuat katibi Dmitri Peskov "Onlar çıxıb ilk betonu tökmək əmrini verəcəklər" deyib.
Bundan əvvəl “Rossiya 1” telekanalının “Moskva. Kreml. Putin” verilişində Rusiya liderinin bu tədbirdə videobağlantı vasitəsilə iştirak edəcəyini bildirilmişdi.
Ed-Dabaa Misirin ilk atom elektrik stansiyasıdır, onun tikintisini Rosatom həyata keçirir. Dördüncü enerji blokunda ilk betonun tökülməsi stansiyanın bütün bloklarının əsaslı tikintisinin əsas mərhələsinə keçidi qeyd edəcək. 2023-cü ilin oktyabrında ilk enerji blokunda mütəxəssislər artıq nüvə avadanlığının quraşdırılmasına başlayıblar.


Baxış sayı: 84


Bölməyə aid digər xəbərlər