19:34 / 12-06-2024
ABŞ sanksiyalar tətbiq edib
Bütün xəbərlər
Rusiyada valideynlərin 83 faizi məktəb dərslərində telefonların qadağan edilməsinin tərəfdarı olub
Tarix: 25-10-2023 09:30 | Bölmə: Sosial


Məktəblilərin valideynlərinin təxminən 83 faizi dərslərdə mobil telefondan istifadənin qadağan edilməsini dəstəkləyib.

Sabaha-inamla.az rus mətbuatına istinadən xəbər verir ki, bunu TASS xəbər agentliyinin nəzərdən keçirdiyi SuberJob xidmətinin sorğusunun nəticələri sübut edir.
Sorğuda Rusiya Federasiyasının bütün regionlarından 1,6 min məktəblinin valideynləri və 500 müəllim iştirak edib.
Qeyd edildiyi kimi, məktəblilərin valideynlərinin 83 faizi təşəbbüsü dəstəkləyib. Üstəlik, atalar bu təşəbbüsü analardan bir qədər çox dəstəkləyiblər – müvafiq olaraq 85 faiz və 81 faiz.
Sorğuda qeyd olunur ki, sorğuda iştirak edən müəllimlərin 87 faizi qadağanı dəstəkləyib.
Eyni zamanda, müəllimlərin 60 faizi mobil telefonların məktəbə gətirilməsinin prinsipcə qadağan edilməsi ideyasını dəstəklədiyi halda, valideynlərin yalnız 30 faizi dəstəkləyib.
Bundan əvvəl Dövlət Dumasının Təhsil Komitəsinin sədri Olqa Kazakova bildirmişdi ki, bu həftə məktəblərdə dərs zamanı mobil telefondan istifadənin tənzimlənməsinə dair qanun layihəsi baxılmaq üçün aşağı palataya təqdim olunacaq. Dəyişikliklər “Rusiya Federasiyasında təhsil haqqında” qanuna təsir edəcək.


Baxış sayı: 145


Bölməyə aid digər xəbərlər