23:50 / 18-03-2024
Prezident xalqı təbrik etdi
22:44 / 18-03-2024
Petr Yan sıradan çıxıb
Bütün xəbərlər
DÜNYANIN HƏR YERİNDƏ XOŞBƏXT OLSUN UŞAQLAR-Zəkiyyə Musaqızı
Tarix: 02-06-2023 20:36 | Bölmə: Sosial


1 iyun dünyanın bir çox yerlərində olduğu kimi Azərbaycanda da yüksək səviyyədə sevgi və sayğı ilə " Uşaqlar günü" kimi qeyd olunur.
1950- ci il iyunun 1- də BMT- nin Baş Asambleyası tərəfindən Uşaqların Beynəlxalq Müdafiəsi qeyd olunması qərara alınıb. Bununla bağlı Qadınların Beynəlxalq Konfransında" uşaqların hüquqlarının təmin edilməsi ilə bağlı təkliflər səsləndirilib. Beləliklə 1 iyun Uşaqların Beynəlxalq Müdafiəsi kimi tarixə düşüb. Ölkəmizdə daima uşaqların hüquqi müdafiəsi, inkişaf və yüksək nəticələr əldə etməsi üçün çoxsaylı müzakirələr aparılır və silsilə tədbirlər keçirilir. Buna əsasən Uşaq Hüquqlarının Müdafiəsi ilə bağlı Azərbaycanda qanunvericilik bazası formalaşıb, " Uşaq Hüquqları haqqında" qanun və bəzi normativ-hüquqi aktlar qəbul edilib. 22 dekabr 2008- ci ildə Azərbaycan Respublikasının Prezidenti İlham Əliyev ölkəmizdə uşaqlara dövlət qurumları və vətəndaş cəmiyyəti tərəfindən diqqət və qayğının artırılması, demokratik prespektivlərin müəyyənləşdirilməsi məqsədilə sərəncam imzalayıb və 2009- cu il" Uşaq ili" elan olunub.
Uşaqlar hər bir kəsin, hər bir ailənin sevinc müjdəsi, İlahinin dünyamıza bəxş etdiyi xeyirli nemət və bərəkət tövhəsidir. Hər kəs uğurlu gələcəyimizi qorumaq məqsədilə uşaqların qəlbini sevindiərək üzündə təbəssüm yaratmağa çalışır. Bu misya çərçivəsi əsasında imkansız ailələr və valideynlərini itirmiş uşaqlar daha çox diqqət və qayğı mərkəzlərində durur. Diqqət və qayğıya ehtiyacı olan uşaqlar heç vaxt unudulmur.
1 iyun tarixində Azərbaycanın hər bir yerində Uşaqlar gününə həsr olunmuş saysız hesabsız tədbirlər keçirilib. Xüsusilə vurğulamaq istəyirəm ki, həmin tədbirlərdən biri də Azərbaycan Silahlı Qüvvələrinin Xüsusi Təyyinatlı Qüvvələri tərəfindən keçirilib. Tədbir vətənimizin müqəddəs zirvə sahiblərinin əmanətləri olan şəhid və qazi övladlarına həsr olunub. Vətənimizin azadlığı və bütövlüyü uğrunda canlarından keçən qəhrəman şəhidlərimizin müqəddəs ruhu daima hörmətlə yad olunur. Belə bir möhtəşəm Uşaqlar günündə qardaşım XTQ-şəhidi Baş Gizir Yusifov Mehman Musa oğlunun əmanətləri Məhəmməd, Fatimə və Süleymanın həmin tədbirdə iştirakına dəvət aldıqları üçün etibarlı və sədaqətli XTQ heyyətinin göstərdiyi diqqət və qayğıya görə təşəkkür edirəm.
Həmçinin qeyd etmək istəyirəm ki, bu əlamətdar və mübarək gündə Sumqayıt şəhər " ÜMİD XEYRİYYƏ CƏMİYYƏTİ" könüllülər birliyinin üzvləri ehtiyacı olan aztəminatlı ailələrin uşaqlarını bir araya toplayaraq Sumqayıt şəhər Tağıyev qəsəbəsində yerləşən şadlıq evində tədbir təşkil ediblər. Diqqət və qayğıya ehtiyacı olan uşaqların "Uşaqlar günü" nü daha unudulmaz və yadda qalan etməyə çalışıblar. Bildirmək istəyirəm ki, " ÜMİD XEYRİYYƏ CƏMİYYƏTİ" hər zaman könüllü təşkilat olaraq ehtiyacı olan ailələrə yardım dəstəyi çərçivəsində əvəzsiz xidmətlər göstərir. Doğrudan da ölkəmizdə təşkil olunan belə xeyriyyə cəmiyyətlərimizin İlahi savablara vəsilə olan xidmətləri qürur və iftixar doğuran bir hissdir. Əxlaqi dəyərləri və savablı əməlləri ilə hər zaman öndə olan " ÜMİD XEYRİYYƏ CƏMİYYƏTİ"nin bütün üzvlərinə uğurlar diləyirəm.
Dünyanın hər yerində xoşbəxt olsun uşaqlar deyərək bütün körpə balalara, uğurlu gələcəyimizə sevgi və sevinc dolu günlər arzu edirəm.

Hər kəs bu dünyaya gəldiyi zaman,
Bir insan ömrünün təməli başlar.
Həyat sevgisini duyub anlayan,
Döyünən ürəyin saf səsi başlar.

Nə gözəl anlardı körpəlik çağı,
Səadət çiləyər səsi-sorağı,
Xoşbəxtlik nurudur gülən dodağı,
Bir üzün nur adlı cöhrəsi başlar.

Qayğısız dünyanın mələk nurları,
Xoşbəxt gələcəyin saf uşaqları,
Müdrik oğulları, xanım qızları,
Sizlərçün xoş səhər nəğməsi başlar.

Cənnətin amalı, dünyası olun,
Hər gün doğan günəş ziyası olun,
Vətənin gözəllik mayası olun,
İnşallah taleyin saf izi başlar.

Sizsiz gələcəyin ümid nəğməsi,
Alimi, loğmanı, elmi, nəfəsi,
Siz ey, bu günümün uşaqlıq səsi,
Hər addım həqiqət, haqq səsi başlar.

Zəkiyyənin qəlbi, sevən ruhusuz,
Sabahın xoşbəxtlik saf uğurusuz,
İnam, ümidlərin xoşbəxt yolusuz,
İnşallah taleyin saf izi başlar.

" Uşaqlar günü" münasibətilə Sabaha - inamla.az xəbər portalının əməkdaşları adından bütün uşaqları təbrik edirəm.
Bütün uşaqları əzəmətli və Uca Rəbbim qorusun. Amin!

Zəkiyyə Musaqızı






Baxış sayı: 441


Bölməyə aid digər xəbərlər