Bütün xəbərlər
Dövlət Gömrük Komitəsinin sədri İtaliya Respublikasının səfiri ilə görüşüb
Tarix: 31-03-2023 00:31 | Bölmə: Sosial


Martın 30-da Dövlət Gömrük Komitəsinin sədri, gömrük xidməti general-leytenantı Şahin Bağırov İtaliya Respublikasının ölkəmizdəki fövqəladə və səlahiyyətli səfiri Klaudio Taffuri ilə görüşüb.
Bu barədə Sabaha-inamla.az-a Dövlət Gömrük Komitəsindən bildiriblər.
Bildirilib ki, görüşdə Azərbaycanla İtaliya arasında qarşılıqlı əməkdaşlıq münasibətlərindən, həmçinin gömrük sferasında daha səmərəli və işgüzar əlaqələrin qurulmasının vacibliyindən bəhs edilib. İtaliya Respublikasının Azərbaycanın mühüm ticarət tərəfdaşlarından biri olduğu, iki ölkə arasında iqtisadi-ticarət əlaqələrinin inkişafı və tənzimlənməsinə gömrük orqanlarının da mühüm töhfə verdiyi bildirilib. Eyni zamanda iki ölkənin gömrük orqanlarının ilkin məlumat mübadiləsi istiqamətində əməkdaşlığının perspektivləri barəsində müzakirələr aparılıb.


Baxış sayı: 181


Bölməyə aid digər xəbərlər