Bütün xəbərlər
Sumqayıtda "Gənclərin İnklüziv İnkişafına Dəstək" Təşəbbüs Qrupunun təqdimat mərasimi keçirildi
Tarix: 16-03-2023 22:26 | Bölmə: Sosial


15 mart 2023-cü il tarixində Sumqayıt Gənclər Evində mətbuat və ictimaiyyət nümayəndələri, gənclər təşkilatlarının nümayəndələrinin iştirakı ilə "Gənclərin İnklüziv İnkişafına Dəstək" Təşəbbüs Qrupunun təqdimat mərasimi keçirilmişdir.
Bu barədə Sabaha-inamla.az-a "Gənclərin İnklüziv İnkişafına Dəstək" Təşəbbüs Qrupundan məlumat veriblər.
Məlumata görə tədbirdə Təşəbbüs Qrupunun təsisçisi Həsən Həsənli çıxış edərək, ölkə başçısı cənab İlham Əliyevin gənc nəslə diqqət və qayğısından, ölkəmizdə uğurla həyata keçirilən dövlət gənclər siyasətindən danışmış, İctimai Birliyin məqsəd və vəzifələri, gələcək fəaliyyət istiqamətləri haqqında geniş məlumat vermişdir.
Sumqayıt şəhər Gənclər və İdman Baş İdarəsinin Gənclərlə iş sektorunun müdiri Ceyhun Hüseynov öz çıxışında gənclərin hərtərəfli inkişafı və sosial-psixoloji sağlamlıqlarının təmin edilməsinin vacibliyini vurğulamış və Təşəbbüs Qrupunun fəaliyyətində gənclərə uğurlar arzulamışdır.
Daha sonra çıxış edənlər idarə heyətinin sədri Nəzrin İmanzadə, baş katib Zəhra Mahmudova Təşəbbüs Qrupunun başlıca məqsədinin bütün gənclərin bərabər imkanlar əsasında elmi, fiziki və mənəvi inkişafını dəstəkləmək, onların sosial-psixoloji sağlamlığını və cəmiyyətə inteqrasiyasını təmin etmək olduğunu qeyd etmişlər.
Sonda çıxışlar ətrafında fikir mübadiləsi aparılmış, təklif və təşəbbüslər dinlənilmişdir.
Sabaha-inamla.az










Baxış sayı: 218


Bölməyə aid digər xəbərlər