Bütün xəbərlər
Türkiyə sahillərində 26 neft tankeri tıxacda qalıb
Tarix: 08-12-2022 22:51 | Bölmə: Sosial


Hazırda Türkiyə sahillərində Qazaxıstandan 23 milyon bareldən çox neft daşıyan 26 tanker tıxacda qalıb.

Sabaha-inamla.az rus mətbuatına istinadən xəbər verir ki,bu məlumatı "Bloomberg" yayıb.
Qeyd edildiyi kimi, tankerlər Bosfor və Çanaqqala boğazlarından keçə bilməz.
Daha əvvəl "Financial Times" neft treyderlərinə, vasitəçilərə və gəmi izləmə xidmətlərinə istinadən xəbər vermişdi ki, Ankaranın məlumat vermək tələbi ilə əlaqədar Rusiya Federasiyasından neftin qiymətinə məhdudiyyətlər başladıqdan sonra Türkiyə sahillərində neft tankerlərindən tıxac yaranıb.
Dekabrın 6-na olan məlumata görə, əksəriyyəti türk olan 30-a yaxın tanker Türkiyə sahillərində boğaza yaxın ərazidə dayanıb. Media bu tankerlərin göyərtəsində 18 milyon barel neft olduğunu yazıb.
Dekabrın 1-dən Türkiyə Respublikası xam neft tankerlərinin Türkiyə boğazlarından keçməsi üçün əlavə sığorta tələbi tətbiq edib. İndi sığorta şirkətlərindən gəmiyə P&I sığortasının (Müdafiə və Təminat Sığortası) təmin edilməsini təsdiq edən məktub təqdim etmələri tələb olunur.
Dekabrın 5-də Qərbin Rusiyaya qarşı yeni sanksiyaları qüvvəyə minib - Avropa İttifaqı Rusiya Federasiyasından dəniz yolu ilə daşınan nefti qəbul etməyi dayandırıb. Həmçinin, G7 ölkələri, Aİ və Avstraliya neft qiymətlərinə bir barel üçün 60 dollar həddi tətbiq ediblər, RİA Novosti xatırladır.
Bir müddət əvvəl Rusiya prezidenti Vladimir Putin Qərbin Rusiya Federasiyasından gələn enerji resurslarının qiymətlərini məhdudlaşdırmaq ideyasını şərh edərkən demişdi ki, əgər bu, onun maraqlarına zidd olarsa, Rusiya xaricə heç nə tədarük etməyəcək.


Baxış sayı: 161


Bölməyə aid digər xəbərlər