Bütün xəbərlər
Deputat Müşfiq Məmmədli həmkarları ilə birlikdə Tovuz rayon Bozalqanlı kənd məktəbinin yaradılmasının 100 illik yubileyi ilə əlaqədar keçirilən tədbirdə iştirak edib
Tarix: 07-12-2022 18:41 | Bölmə: Sosial


Tovuz rayon Yusif Sadıqov adına Bozalqanlı kənd tam orta məktəbinin yaradılmasının 100 illik yubileyi ilə əlaqədar keçirilən tədbirdə Tovuz Rayon İcra Hakimiyyətinin başçısı Məmməd Məmmədov, Milli Məclisin deputatları Müşfiq Məmmədli, Qənirə Paşayeva, Arzu Nağıyev, Rauf Əliyev, Sabir Hacıyev, Azərbaycan Milli Elmlər Akademiyasının əməkdaşı, professor Mayıl Əsgərov, Elm və Təhsil Nazirliyinin əməkdaşları, məktəbin məzunları, müəllimlər və şagirdlərlə birlikdə iştirak ediblər.
Sabaha-inamla.az Milli Məclisin Sumqayıtdan seçilən deputatı Müşfiq Məmmədliyə istinadən xəbər verir ki, tədbirdən əvvəl Ulu Öndər Heydər Əliyevin adını daşıyan mədəniyyət və istirahət parkında ucaldılmış abidəsi ziyarət olundu, önünə gül dəstələri qoyuldu.
Sonra məktəbdə şagirdlərin əl işlərindən ibarət sərgiyə baxış keçirildi, idman zalında yaradılan şəraitlə tanış olublar, azyaşlı idmançılarla görüşərək onlara gələcək həyatlarında uğurlar arzulayıblar.
Daha sonra deputatlar çıxış edərək 100 illik yubiley münasibətilə məktəbin kollektivini təbrik edib, Möhtərəm Prezident cənab İlham Əliyevin rəhbərliyi ilə Azərbaycan Respublikasında görülən işlərdən və əldə olunan nailiyyətlərdən, həmçinin təhsilin inkişafı sahəsində həyata keçirilən dövlət siyasətindən danışıblar.
Mmillət vəkili vurğulayıb ki, məktəbin yaranma tarixindən və bu günə qədər keçdiyi inkişaf yolundan bəhs edərək ölkə rəhbəri tərəfindən həyata keçirilən təhsil strategiyasının uğurlarından söz açıblar, məktəbdə yaradılmış müasir standartlara cavab verən şəraitə görə Prezident cənab İlham Əliyev və Birinci vitse-prezident Mehriban xanım Əliyevaya təşəkkürlərini bildiriblər.
Tədbir Y.Sadıqov adına Bozalqanlı kənd tam orta məktəbinin məzunları olan rayonun mədəniyyət və incəsənət nümayəndələrinin konsert proqramı ilə davam etdirilib.

Sabaha-inamla.az









Baxış sayı: 378


Bölməyə aid digər xəbərlər