Bütün xəbərlər
ZƏFƏR GÜNÜ TARİXİ QÜRURUMUZDUR
Tarix: 10-11-2022 19:04 | Bölmə: Sosial

Tarixə 44 günlük Vətən müharibəsi kimi düşən İkinci Qarabağ savaşı, işğal altında olan torpaqlarımızın azad olunması ilə hər birimizə qürur gətirmiş oldu. Bu qürur, uşaqdan böyüyə hər bir Azərbaycan vətəndaşının, Azərbaycanı sevən, üəryi bizimlə olan hər kəsin üzündə, varlığında özünü göstərmiş oldu. Yeni inkişaf mərhələsində ölkəmizin daha qüdrətli və daha zəngin potensialla qələbə qazanması bizləri yaradıcılıqda və gündəlik işlərimizdə davamlı stimul oldu. Fəaliyyət sahələrində bu amilin gətirmiş olduğu uğurlar xüsusilə, gənclərin ixtisaslaşması və elmi yanaşmalarında keyfiyyət göstəriciləri ilə müşayiət olundu. Artıq hər birimiz tarixi Zəfər Gününün sevinci ilə elmi və pedoqoji fəaliyyətimizi daha böyük uğurlarla təmin edir, bu sahədəki nəticələrlə fərəhlənirik. Elə bu günlər, Naxçıvan Dövlət Universiteti Memarlıq və mühəndislik fakültəsində 8 Noyabr Zəfər gününə həsr olunan intellektual bilik yarışması keçirilməsi gənclərin Vətənpərvərlik ruhunda böyüməsinin növbəti ifadəsinə çevrilmiş oldu.
Ali təhsil ocağının Memarlıq və mühəndislik fakültəsinin qarşısında-açıq havada keçirilən intellektual oyunda şəhidlərin əziz xatirəsi bir dəqiqəlik sükutla yad olunub. Yarışmada qəhrəman Ordumuzun, müzəffər Ali Baş Komandanımızın və qədirbilən xalqımızın birliyi ilə 44 günlük zəfər tariximizə nəzər salınıb. Eyni zamanda, bu cür bilik yarışlarının tələbələrin dünyagörüşünə müsbət təsir göstərdiyini vurğulanıb.
Qeyd etmək olar ki, ali məktəbimizdəkemirilmiş bu yarışma, mahiyyət etibarı ilə, həm də, fakültələrarası bilik mübadiləsinin də zəruri nəticələri olaraq yadda qaldı. Yarışmada, fakültələr üzrə bütövlükdə, hər birində 4 tələbə olmaqla, 13 komandanın (Memarlıq mühəndislik, Xkrev, Səvəfi, Alfabe, Starges, Təbiət və kənd təsərrüfatı, Fizika riyaziyyat, İqsadiyyat, Beynəlxalq, Xarici dillər, Tibb, Tarix filologiya, Pedaqoji) təmsil olunması ilə, ümumilikdə, 52 tələbənin iştirakı təmin olunmuşdur.
Elmi, nəzəri cəhətdən əsaslandırılmaqla, suallara həm də məntiqi baxımdan dürüst cavab verən tələbələr, eyni zamanda, Vətənpərvərlik ruhunun qürurla daşıyıcıları kimi özlərini bir daha sübut etmiş oldular. Yarışmanın sonunda, I yeri Tarix filologiya, II yeri fizika riyaziyyat, III yer isə İqtisadiyyat və idarəetmə fakültələrinin tələbələri paylaşdırlar.Qalib və müvafiq yeri qazanan hər bir komandaya universitetin diplomu təqdim olunub.
3 turdan ibarət olan intellektual yarışın I turunda Azərbaycan ədəbiyyatı və tarixi, zəfər, informatika, idman, II mərhələdə Fizika, Azərbaycan incəsənəti, 44 günlük müharibə, anatomiya, məntiq, III yəni final turunda isə Qarabağ Azərbaycandır, dünyagörüşü və NDU olmaqla hər mövzu üçün 5 sual verilib.
Bu bir həqiqətdir ki, tarixi Zəfər işığında inamla addımlayan ölkəmiz modern təhsil sahəsində də uğurlarını davam etdirməkdədir. Bu sahədə, Naxçıvan Dövlət Universitetinin istər elm, istərsə də təhsil sahələri istiqamətində həyata keçirmiş olduğu tədbirlər, mühüm nəticələri ilə seçilməkdədir. Təbii olaraq, bütün bunlar isə, öz ifadəsini olduqca peşəkar mütəxəssis hazırlığının təşkil olunmasında göstərməkdədir. Artıq tələbələrimiz çox yaxın gələcəkdə, innovativ düşüncəyə malik, texnoloji təsisatlardan yararlana biləcək və beləliklə də, yeni inkişaf mərhələsi üçün aktuallıq kəsb edəcək STEAM mütəxəssisi olaraq formalaşacaqlar. Təbii olaraq, STEAM müətəxəssisi isə öz özlüyündə bir tələbənin beş sahə üzrə ixtisaslaşması demək olacaq. Bunlar isə, elm, texnologiya, mühəndis, incəsənət və riyaziyyat saələrindən ibarət olmaqla, tam bir ixtisaslı kadr olacaqdır. Qürurvericidir ki, bütün bunların da, müəllifi məhz Naxçıvan Dövlət Universiteti olacaq.
Qeyd etmək olar ki, universitetin fakültələrində bu istiqamətdə hərtərəfli imkanlar və təsisatlar yaradılmışdır. Yaxın gələcəkdə isə, universitet ərazisində iki hektalıq sahədə istismara veriləcək olan Texnologiyalar Parkının imkanlarını nəzərə almaqla, bu sahədəki nailiyyətlərin əhatə dairəsinin daha da geniş olacağını vurğulamaq olar. Artıq tələbələrimiz avtomatlaşdırma və robototexnika sahələri üzrə tam ixtsaslaşmaqla, elmlə təcrübənin düzgün vəhdətindən ibarət olan bacarıqlarla daha mütərəqqi layihələrə imza atacaqlar. Nəticədə isə, bütövlükdə, dünya təhsilinə inteqrasiya proseslərində ardıcıl və əlaqəli keyfiyyət mərhələlərinin əsaslarını müəyyən etmək daha səmərəi olacaq.
Beləliklə, tarixi Zəfərimizin işığında daha böyük uğurlara doğru inamla addımlayırıq. Bu sahədə, bizim çox mühüm nailiyyətlərimiz içərisində təbi olaraq, elmli, ixtisaslı və mili təhsilimizin daha işıqlı gələcəyi üçün zəruri əhəmiyyətə malik olacaq kadr hazırlığı aktuallığı ilə seçiləcəkdir. Xeyirli olsun.
Cavanşir Zeynalov,
Naxçıvan Dövlət Universitetinin professoru,
Məftun Əliyev,
Naxçıvan Dövlət Universitetinin dosentii









Baxış sayı: 196


Bölməyə aid digər xəbərlər