Bütün xəbərlər
Dünya, Ana və Uşaqlar” İctimai Birliyi Astarada rayonunda erkən nikahın qarşısının alınması sahəsində tədbir həyata keçirib
Tarix: 02-11-2022 00:01 | Bölmə: Sosial




“Dünya, Ana və Uşaqlar” İctimai Birliyi Azərbaycan Respublikasının Qeyri-
Hökumət Təşkilatlarına Dövlət Dəstəyi Agentliyinin maliyyə dəstəyi ilə “Erkən nikah –ailə genefondu təhlükə ilə üz-üzə” adlı layihəsi çərçivəsində Astara rayonunda tədbir keçirib.
Tədbiri giriş sözü ilə açan “Dünya, Ana və Uşaqlar” İctimai Birliyinin sədri
Dünyaxanım Əliyeva layihənin əsas məqsədi, qarşıya qoyulmuş vəzifələr, ölkəmizdə erkən nikahın qarşısının alınması sahəsində qeyri-hökumət təşkilatlarının rolunu qeyd edib, dövlətin sosial sahədə apardığı siyasətin əsas istiqamətlərindən biri olduğunu diqqətə çatdırıb.
Layihəyə cəlb olunmuş ekspert, Azərbaycan Respublikasının Vəkillər
Kollegiyasının üzvü, vəkil Araz Nurməmmədov erkən nikahın qarşısının alınması üçün gənclərin ali və peşə təhsilinə yönləndirilməsinin vacib olduğunu, valideynlər və müəllimlərin gənclərin təhsil və tərbiyəsinə xüsusi qayğının zəruri olduğunu qeyd
edib.
Tədbir interaktiv formada və müzakirə xarakterli olub. Belə ki, tədbir
iştirakçıları erkən nikahın qarşısının alınması sahəsində tədbirlərin keçirilməsinin zəruri olduğunu, keçirilmiş tədbirlərin erkən nikahın qarşısının alınmasına müsbət təsirindən söz açıblar. Astara rayonunda son vaxtlar erkən nikah probleminin qismən aradan
qaldırılmış olması, gənclərin təhsilə yönləndirilməsi istiqamətində dövlətin apardığı islahatlardan öz razılıqlarını ifadə ediblər.





 
 



Baxış sayı: 83


Bölməyə aid digər xəbərlər