Bütün xəbərlər
“Naxçıvanın sosial-iqtisadi inkişafı” mövzusuna həsr olunmuş tədbir
Tarix: 28-10-2022 22:56 | Bölmə: Sosial
     
     Naxçıvan Muxtar Respublikası Ali Məclisinin Naxçıvanşünaslıq Mərkəzinin təşkilatçılığı, Naxçıvan Muxtar Respublikası İqtisadiyyat Nazirliyinin əməkdaşlarının və “Naxçıvan” Universitetinin müvafiq ixtisas üzrə bir qrup tələbəsinin iştirakı ilə “Naxçıvanın sosial-iqtisadi inkişafı” mövzusuna həsr olunmuş tədbir həyata keçirilmişdir.
   Tədbirdə çıxış edən mərkəzin elmi katibi Nihad Tarverdiyev qeyd etmişdir ki, bu gün Naxçıvanın bütün sosial, iqtisadi, infrastruktur və hərbi məsələləri yüksək səviyyədə öz həllini tapır. Naxçıvan Muxtar Respublikasının çoxşaxəli iqtisadiyyatının formalaşdırılması və sosial sahənin inkişafı üzrə mühüm tədbirlər həyata keçirilir. Qazanılan uğurların təməlində ulu öndər Heydər Əliyevin siyasəti dayanır.Naxçıvan Muxtar Respublikasının iqtisadiyyatı və sosial həyatı özünəməxsusluğu ilə fərqlənir. Muxtar respublika iqtisadiyyatının yeni keyfiyyət mərhələsinə yüksəlməsində son on ildə regionların sosial-iqtisadi inkişafı ilə bağlı qəbul edilmiş Dövlət proqramlarının uğurlu icrası böyük əhəmiyyət kəsb edir. İqtisadi və sosial inkişafda innovasiya amilinin nəzərə alınması son illərdə qəbul edilən mühüm dövlət proqramları və sənədlərdə aydın şəkildə ifadə olunur. Naxçıvan Muxtar Respublikası Ali Məclisi Sədrinin 2019-cu il 29 mart tarixli Fərmanı ilə təsdiq edilmiş “Naxçıvan Muxtar Respublikasının 2019-2023-cü illərdə sosial-iqtisadi inkişafı Dövlət Proqramı” iqtisadiyyatın innovasiyalı inkişafını nəzərdə tutan növbəti mühüm dövlət sənədidir.
     Tədbirdə Naxçıvan Muxtar Respublikası  İqtisadiyyat Nazirliyinin əməkdaşları Hüseyn Əliyev və Zamiq Hüseynov  çıxış edərək muxtar respublikada çoxşaxəli iqtisadiyyatın formalaşdırılması, sənaye müəssisələrinin yaradılması, mövcud müəssisələrin fəaliyyətinin genişləndirilməsi haqqında danışmışlar. Nazirliyin əməkdaşı Hüseyn Əliyev tədbir iştirakçılarının diqqətinə çatdırmışdır ki, Naxçıvan Muxtar Respublikasında yerli xammal ehtiyatlarından səmərəli istifadə etməklə idxaldan asılılığın minimuma endirilməsi, o cümlədən yüksək əlavə dəyər yaradan istehsal sahələrinin yaradılması davam etdirilmişdir.
       İnnovativ və müasir texnologiyalara əsaslanan rəqabət qabiliyyətli sənaye məhsulu istehsalının genişləndirilməsi, bu sahədə sahibkarlığın daha da inkişaf etdirilməsi məqsədilə Şərur Sənaye Məhəlləsinin yaradilmasi istiqamətində işlər davam etdirilir. Haliyədə 3 istehsal korpusundan ibarət olan sənaye məhəlləsində ayaqqabı, avropa qapıları, bərk və yumşaq mebel istehsalı sahələri fəaliyyət göstərir. Həmçinin corab istehsalı, məktəbli ləvazimatları, kağız kisə, karton tara və bitki yağı istehsalı sahələrinin qurulması istiqamətində işlər davam etdirilir.
       Muxtar respublika iqtisadiyyatında kənd təsərrüfatı hər zaman öncül yerlərdən birini tutmuş, yeni emal müəssisələri yaradılmış, məhsul istehsalçılarına dövlət tərəfindən maliyyə dəstəyi göstərilmiş, istehsal olunan məhsulların saxlanması və satışının təşkili istiqamətində mühümişlər görülmüş, məhsul istehsalı ildən-ilə artmışdır.
      Muxtar respublika iqtisadiyyatında diqqətçəkən fəaliyyət istiqamətlərindən biri də ailə təsərrüfatlarıdır. Bu istiqamətdə müəyyən edilmiş tapşırıqlara müvafiq olaraq ailə təsərrüfatlarına metodik və əməli köməkliklər göstərmək, ailə əməyinə əsaslanan təsərrüfatların fəaliyyətini dəstəkləmək, əhalinin məşğulluğunu artırmaq sahəsində əlavə imkanlar yaratmaq, onların maliyyə resurslarına çıxışının təmin edilməsi məqsədilə 78 ailə təsərrüfatına 1 milyon 163 min 600 manat dövlət maliyyə dəstəyi göstərilmişdir.
      Sonda elmi katib tədbir iştirakçılarına mərkəzdə təşkil edilən kitab sərgiləri haqqında məlumat vermiş və
mərkəz ilə tanışlıq həyata keçirilmişdir.
Sabaha-inamla.az





Baxış sayı: 93


Bölməyə aid digər xəbərlər