Şəhidlərin portretini zərli toz texnikası ilə hazırlayan və hədiyyə edən gəncəli dekorativ sənət ustası mükafatlandırıldı
Tarix: 16-08-2022 22:37 | Bölmə: Sosial




Məhərrəmova Sona Sahib qızı 1989- cu il sentyabrın 17-sində Gəncə şəhərində anadan olub.
1996-cı ildə Əhməd Cavad adına 2 saylı tam orta məktəbə gedib.
2005-2009 -cu illərdə Gəncə Dövlət Hümanitar kolleci bitirib.
2017-ci ildə Azərbaycan Rəssamlar İttifaqının “Dekorativ Tətbiqi Sənət”bölməsinin üzvlűk vəsiqəsini alıb.

100-dən çox dövlət əhəmiyyətli sərgilərin iştirakçısıdır.
2013-cü ildə Azərbaycan Respublikasının Prezidenti yanında Gənclər Fondunun elan etdiyi 4-cü qrant müsabiqəsində “Nağıllar Aləmi” adlı layihəsi ilə qalib olub və ilk fərdi sərgisi keçirilib.
2015-ci ildə Şəmkir Rayon İcra Hakimiyyəti tərəfindən “İlin Mədəniyyət” işçisi elan edilib.
2016-cı ildə “Al Əlvan Qarabağ” müsabiqəsinin birincisi olub.
2016-cı ildə Azərbaycan Respublikasının Prezidenti yanında Gənclər Fondunun elan etdiyi 8-ci qrant müsabiqəsində “Yeddi Gözəl” adlı layihəsi ilə yenidən qalib olub.
2018-ci il Bakıda keçirilən “Qədim Azərbaycan Müasir Gənclərin gözü ilə” adlı ART festivalda uğurlu iştirakına görə, Azərbaycan Respublikasının Gənclər və İdman naziri, Azad Rəhimov tərəfindən diplomla təltif edilib.
2018-ci ildə Gəncə şəhərinin ictimai həyatında fəal iştirakı üçün Gəncə şəhər İcra Hakimiyyəti başçısının 14 nömrəli sərəncamı ilə Fəxri Fərmanla təltif edilib.
“Qadınlarımızı Dəstəkləyək” adlı sərgidə fəal iştirak etdiyi üçün Azərbaycan Respublikası Gəncə “Sahibkar Qadınlar”Ictimai Birliyi tərəfindən 200 nəfər iştirakçıdan 10 nəfər qaliblər sırasında olduğu üçün diplomla təltif edilib.
2019-cu il Gəncə Şəhər İcra Hakimiyyətinin başçısı Niyazi Bayramov təfəfindən Fəxri Fərmana laiq görülüb.
2020-ci il Azərbaycanda ilk dəfə keçirilən “STRİNG ART”(Simli sənət) layihəsinin Ekspert olaraq təltif olunub.
2019-cu il ildə Azərbaycan Respublikası Mədəniyyət Nazirliyyinin maliyyə dəstəyi,”Kimsəsiz Uşaqların Sosial Müdafiəsi”Ictimai Birliyinin təşkilatçılığı ilə “Dekorativ-tətbiqi sənətdə uşaqların özlərini tapması” layihəsində “Valideyn himayəsindən məhrum olan uşaqlara 4 ay müddətində DTS sənətinin mənimsədilməsi;
18.03.2021 ildə “Şanlı Qələbəmizin Qəhrəmanları” adlı 4- cü fərdi sərgisi keçirilib.
08.11.2021 ildə Moskvada
Heydər Əliyev Fondunun vitse-prezidenti, Rusiya Azərbaycanlı Gənclər Birliyinin (RAGB) sədri Leyla xanım Əliyevanın təşəbbüsü ilə Moskvada Zəfər Gününə həsr olunmuş “Xarıbülbül” rəsm sərgisi festivalında iştirak edib diplomla təltif olunub.

Qəhrəman şəhidlərimizin əziz xatirəsi üçün
4- cü fərdi sərgisi 44 günlük Vətən müharibəsində şanlı Qələbənin qazanılmasında canlarını fəda edən igid oğulların xatirəsinə həsr edilib.
 Dekorativ-tətbiqi sənət ustası Sona Məhərrəmova qəhrəman şəhidlərin portretlərini hazırlayır. O, indiyədək 30- dan çox şəhidin portretini ərsəyə gətirib və “Şanlı Qələbəmizin qəhrəmanları” adı altında sərgisini təşkil edib.
 Zərli toz texnikası ilə hazırlanan portretlərdə qızılı rəngdən istifadə olunub. Müəllif bununla qızıl qəlbli şəhidlərimizin daxili aləmini göstərmək istəyib.
Sona Məhərrəmova şəhidlərimizin xatirəsini əl işlərində əbədiləşdirməklə onların Vətən qarşısında fədakarlığını gələcək nəsillərə çatdırmağı qarşısına məqsəd qoyub.
 Qeyd edək ki, portretlər bir ay sərgiləndikdən sonra şəhidlərin ailələrinə təqdim edilib.

Xatırladaq ki, Sona xanım bu yaxınlarda ailə həyatı qurub. Bu səbəbdən də Bakı şəhərində yaşayır.
Sabaha-inamla.az xəbər portalı  Sona (Məhərrəmova) Hüseynzadənin 44 günlük müharibə zamanı arxada cəbhədə şəhidlərin şəkillərini çəkərək ailələrinə hədiyyə etdiyini nəzərə alaraq onu təsis etdiyi "Vətən fədaisi" diplomu ilə mükafatlandırıb.

Namiq MƏMMƏDLİ
Sabaha-inamla.az




Baxış sayı: 175


Bölməyə aid digər xəbərlər