21:06 / 17-08-2022
Quterreş Lvova getdi
"Yay məktəbi"nin yekununa həsr olunmuş "Yay fest" adlı tədbir keçiriləcək
Tarix: 27-06-2022 12:44 | Bölmə: Sosial

    İyunun 30-da Abşeron-Xızı Regional Təhsil İdarəsinin təşkilatçılığı, Təhsil Nazirliyi və Sumqayıt Regional Mədəniyyət İdarəsinin dəstəyi ilə "Yay məktəbi"nin yekununa həsr olunmuş "Yay fest" adlı tədbir keçiriləcək.
    Tədbir Xızı şəhər Heydər Əliyev parkında təşkil olunacaq.
     Açıq səma altında keçiriləcək tədbirdə Sumqayıt şəhər, Abşeron və Xızı rayonlarının şagirdləri və təhsil işçiləri, həmçinin müxtəlif dövlət qurumlarının nümayəndələri iştirak edəcəklər.
    Sumqayıt-Abşeron-Xızı məktəblilərinin birgə intellektual və əyləncə proqramı çərçivəsində rəqs, muğam nömrələri, rəsm, əl və toxuculuq işlərinin sərgisi, interaktiv dərslər və fəaliyyətlər, bacarıqlı əllər, bədii gimnastikanın təqdimatı, ekoloji-tərbiyəvi tədbirlər, idman yarışları, peşəyönümü ilə bağlı fəaliyyətlər, məntiqi, tənqidi və yaradıcı təfəkkürü inkişaf etdirən öyrədici oyunlar nümayiş etdiriləcək.
    Qeyd edək ki, tədbirin keçirilməsində əsas məqsəd şagirdlərin "Yay məktəbi" zamanı əldə etdikləri bilikləri nümayiş etdirmək, onların intellektual və yaradıcı bacarıqlarını möhkəmləndirmək və asudə vaxtlarını səmərəli keçirmələrini aşılamaqdır.

Sabaha-inamla.az




Baxış sayı: 93


Bölməyə aid digər xəbərlər