11:42 / 03-07-2022
Biz teatrı niyə sevmirik?
l Tibbi Forumda iştirak edən qonaqlar Naxçıvanın tarixi abidələrini də ziyarət ediblər
Tarix: 20-06-2022 22:11 | Bölmə: Sosial

     Universitetimizdə keçirilən I Tibbi Forumun proqramı çərçivəsində ikinci günün bölmə iclaslarının iştirakçıları "Əshabi-Kəhf Ziyarətgahı" Dini-Mədəni Abidə Kompleksində olmuşlar. Burada qonaqlara ətraflı məlumat verilmiş, ərazinin tarixi, dini, milli və mənəvi dəyərlərin ifadəsi olaraq əhəmiyyətindən bəhs olunmuşdur. Hazırda muxtar respublikanın çoxistiqamətli turizm infrastrukturunun yaradılmasında dini turizmin, xüsusilə də, Əshabi Kəhfin mühüm əhəmiyyətindən söz açılmışdır. Qeyd olunmuşdur ki, tez-tez təşkil olunan turlar qonaqlarda böyük və xoş təəssüratlar yaratmaqdadır. İştirakçılar Naxçıvan Muxtar Respublikasının ərazisində bu dəyərlərin olmasını yüksək dəyərləndirməklə yanaşı, bu ərazini çoxdan ziyarət etmək istədiklərini bildirdilər. Məhz Naxçıvan Dövlət Universitetinin ev sahibliyi ilə reallaşan l Tibbi Forum çərçivəsində bu istəklərinə nail olduqları üçün çox sevindiklərini minnətdarlıq hissi ilə ifadə etdilər.
    Naxçıvan Dövlət Universitetində l Tibbi Forumda iştirak edən qonaqlar bölmə iclaslarından sonra proqram çərçivəsində Xan Sarayını, Mömünə Xatun Türbəsini və Açıq Səma Altında Muzeydə olmuşlar. Tarixi, milli və mədəni dəyərlərimizin bir parçası olaraq həmin məkanların mühüm əhəmiyyətini qeyd edən universitet könüllülərindən ibarət olan bələdçilər, muxtar respublikamızın tarixiliklə müasirliyin vəhdətindən ibarət olan zənginliklərini təqdim etmişlər. Gəzintilərdən çox xoş təəssüratlar alan qonaqlar Naxçıvan Muxtar Respublikasını yaxından görməyin məmnunluğunu bildirdilər. Bu sahədə, Naxçıvan Dövlət Universitetinin ev sahibliyi ilə keçirilmiş l Tibbi Forumun önəmli olduğunu bir daha qeyd etdilər.

     Naxçıvan Dövlət Universitetinin ev sahibliyi ilə keçirilən l Tibb Forumunun iştirakçıları Duzdağ Fizioterapiya Mərkəzində olmuşlar. Mərkəzin müalicə prosesləri barəsində məlumat verilmişdir ki, burada əsasən 47 otaqda eyni anda 130-a yaxın pasientin müalicəsi üçün rahat şərait yaradılmışdır. Pandemiyadan əvvəl 4700-dən çox pasient Mərkəzdə müalicə olunurdu. Bildirildi ki, buradakı müalicələr əsasən gündüz və gecə olmaqla 2 növbədə nəzərdə tutulmuşdur. Bir qayda olaraq, 2-12 yaşda olan pasientlər üçün gündüz, 12 yaş və üzərində olan pasientlər üçün isə əsasən gecə seansları mümkün olur. Mərkəzlə tanışlıq zamanı aydın oldu ki, hazırda da pasientlər göstərilən xidmətlərdən məmnundurlar və sağlamlıqları üçün gerçək müalicə nəticələrini görürlər. Məlumat verilmişdir ki, hər bir pasient üçün minimum 10 gün müalicə alınması məqsədəuyğundur. Burada keçmiş İttifaq ölkələrindən pasientlər də qəbul olunmuşdur. Forum iştirakçıları Naxçıvan Dövlət Universitetinin ev sahibliyi ilə keçirilən l Tibbi Forumun istər elmi araşdırmalar, istər mütəxəssislərlə tanışlıq və əməkdaşlıqlar, istərsə də, tibb məqsədli ərazilərin də öyrənilməsi baxımından olduqca əhəmiyyətliliyini qeyd etdilər.
    Naxçıvan Dövlət Universitetinin ev Sahibliyi ilə keçirilən l Tibbi Forumu ll günün bölmə iclaslarına davam edir. İclaslar A, B, C, D salonlarında olmaqla, 4 bölmədən ibarətdir. Bu günkü iclaslar da tibb elminin aktual problemlərinin araşdırıması ilə baş tutmaqdadır. Belə ki, iclaslarda: - Cərrahiyyə; - Pankreas xəstəlikləri; - Plastik estetik və rekanstruktiv cərrahiyyə; - Endokrinologiya; - Virus Hepatitləri; - HCC (Ağır Kliniki Hallar); - Qara ciyər transplantasiyası; - Qastroenterologiya; - Onkologiya; - Oftalmologiya; - Pediatriya -l və ll; - İnfeksion xəstəlikləri; - Stomatologiya sahələri üzrə çox aktual mövzular ələ alınmışdır. Bölmə iclaslarında məruzələr ətrafında müzakirələr keçirilmiş və verilən suallar cavablandırılmışdır.
    Naxçıvan Dövlət Universitetində keçirilən l Tibbi Fromun ll gününün bölmə iclaslarında iştirak edən müətəxəssislər Duzdağ Fizioterapiya Mərkəzində olmuş, oradakı müalicə şəraiti və prosesləri ilə tanış olmuşlar. Mərkəzin tarixi, tibbi və hazırkı şəraitdə həm də iqtisadi əhəmiyyəti barəsində məlumat verilmişdir. Bildirilmişdir ki, mərkəz 1979 - cu ildən fəaliyyət göstərir. Uşaqların və böyüklərin müalicəsi üçün əlverişli şərait yaradılmışdır. Müalicələrin təşkili əsasən axşam və gündüz seansları üzrə təşkil olunur. Hər bir pasient üçün orta hesabla 10-15 gün müddətində müalicə nəzərdə tutulur. Qonaqlar mərkəzdə yaradılan şəraitdən olduq qədər məmnun qalmış və bunu Naxçıvan Muxtar Respublikasının zənginlikləri olaraq dəyərləndirmişlər. Məlumat verilmişdir ki, hazırda pandemiyanın təsirlərinin azalması burada müalicə alan pasientlərin sayında artımla müşayiət olunmaqdadır. Hər bir iştirakçı Duzdağ Fizioterapiya Mərkəzinin muxtar respublikanın timsalında Azərbaycan Respublikasının səhiyyə sektorunun inkişafında mühüm göstərici olduğunu bildirdi. Bu dəyərləri gördükləri üçün də l Tibbi Forumun Təşkilat Komitəsinə minnətdarlıqlarını bildirdilər.
Cavadxan Qasımov
Sabaha-inamla.az


















Baxış sayı: 159


Bölməyə aid digər xəbərlər