23:50 / 18-03-2024
Prezident xalqı təbrik etdi
22:44 / 18-03-2024
Petr Yan sıradan çıxıb
Bütün xəbərlər
Sumqayıt təhsil işçiləri ümummilli liderin anadan olmasının 99-cu ildönümü münasibətilə dəyirmi masa təşkil ediblər
Tarix: 09-05-2022 23:31 | Bölmə: Sosial


   Abşeron-Xızı Regional Təhsil İdarəsinin təşkilatçılığı ilə Sumqayıt şəhər Heydər Əliyev Mərkəzində Sumqayıt təhsil işçiləri ümummilli liderin anadan olmasının 99-cu ildönümü münasibətilə dəyirmi masa təşkil ediblər.
   Tədbirdə çıxış edən Abşeron-Xızı Regional Təhsil İdarəsinin sektor müdiri Arzu Alızadə bildirib ki, Ulu öndərimiz ölkənin və xalqın taleyində, hərtərəfli tərəqqisində, uğurlar qazanmasında təhsilin xüsusi rolunu, əhəmiyyətini həmişə nəzərə alaraq, yüksək dəyərləndirib. Azərbaycan təhsilinin mühüm inkişaf mərhələləri ümummilli lider Heydər Əliyevin adı və fəaliyyəti ilə bağlıdır. Ulu Öndərin təhsil sahəsinə diqqət və qayğısı əvəzsiz olub. Hələ ölkəmizə rəhbərliyinin birinci dövründə - 1969-1982-ci illərdə ümummilli lider Heydər Əliyevin təhsilimizə böyük qayğısının nəticəsi olaraq Azərbaycanda çoxlu sayda məktəb binası tikilərək istifadəyə verilib. Ölkədə yeni ali təhsil müəssisələri açılıb, təhsil ocaqlarının maddi-texniki bazası möhkəmləndirilib, lazımi avadanlıqla təchiz olunub. Ulu Öndər daim gənclərin hərtərəfli inkişafına böyük önəm verirdi.
     Görkəmli dövlət xadimi Heydər Əliyev təhsilə həmişə prioritet sahə kimi baxırdı. “Təhsil millətin gələcəyidir” deyən Ulu Öndər Azərbaycana rəhbərliyinin ikinci dövrü olan 1993-2003-cü illərdə də bu sahənin fəaliyyətinin yüksəldilməsinə xüsusi diqqət göstərib.
     Qeyd olunub ki, müdrik siyasi və dövlət xadimi Heydər Əliyevin parlaq ideyaları bu gün Prezident İlham Əliyev tərəfindən qətiyyətlə həyata keçirilir. Son illər ölkəmizdə təhsil sahəsində həyata keçirilən islahatlar, layihələr, dövlət proqramları bu sahəyə böyük töhfələr verib və verir.
    Sumqayıt şəhər İcra Hakimiyyətinin nümayəndəsi Fərman Kazımov, tarix müəllimləri Səlim Quluzadə, Raqif Orucov, təhsil işçisi Nuranə Hümbətova tədbirlə bağlı çıxış ediblər. 
    Sonda ulu öndərin həyat və fəaliyyətini əks etdirən videoçarx nümayiş etdirilib. 
Sabaha-inamla.az

               


Baxış sayı: 414


Bölməyə aid digər xəbərlər