Cemalettin Özdemirin şərəfinə "Böyük Türk Dünyası" adı altında keçirilən möhtəşəm tədbirdən-FOTOLAR
Tarix: 03-05-2022 21:20 | Bölmə: Sosial

14.04.2022 tarixində "Ziyalı Xanımlar" təşkilatının rəhbəri Zəhra Muradovanın və təşkilatın üzvləri: "Miqrasiya Proseslərinin Tədqiqi" İctimai Birliyinin sədri Fəridə Hicran, "Sahibkarlara Dəstək " İctimai Birliyinin sədri Zemfira Ağayeva, "Avrasiya Beynəlxalq Əlaqələr və Araşdırmalar " İctimai Birliyinin sədri Solmaz Əliyevanın təşkilatçılığı ilə Almaniya Federativ Respublikasından Azərbaycan Respublikasına səfər etmiş Almaniya "Türk Tarixi və Mədəniyyətləri" muzeyinin müdiri hörmətli Cemalettin Özdemir'in şərəfinə "Böyük Türk Dünyası" adı altında möhtəşəm tədbir təşkil olunmuşdur.

Tədbirə hörmətli Cemalettin Özdemir ilə birgə səfər etmiş qonaqlarımız: Nürnberq "Objektif Kültür Merkezi" rəhbəri Ertuğrul Karakaya, müəllim Yaşar Gül xüsusi rəng qatmışlar.
Cemalettin Özdemirin təşkilatçılığı ilə müxtəlif illərdə türk xalqlarının tanıdılması məqsədi ilə milyonlarla izləyici qarşısında "Türk Xalqlarının Milli Geyimləri" festivalları, "Mehter marşı" yürüyüşləri keçirilir. Bununla yanaşı olaraq Azərbaycanın Avropa ölkələrindən gəlmiş ziyarətçilərə tanıdılması məqsədi ilə Almaniya "Türk Tarixi və Mədəniyyətləri" muzeyində böyük yer ayrılmışdır. Burada Atropatenadan hal-hazırki dövrə kimi Azərbaycan tarixi bəhs olunur, Azərbaycana, Qarabağa aid müxtəlif eksponatlar, həmçinin general-mayor Polad Həşimovun xalça üzərində işlənilmiş şəkli və rayonlar üzrə olaraq şəhidlərimizin şəkilləri də sərgilənməkdədir. Cemalettin Özdemir bu kimi fəaliyyətlərlə tədbir iştirakçılarını tanış etdi və bu fəaliyyətlər böyük marağa səbəb oldu.

Tədbirdə dünya şöhrətli kulturoloq, professor Fuad Məmmədov, Mədəniyyət və İncəsənət xadimi Fəxriyyə Xələfova, "Dünya Gənc Türk Yazarlar Birliyi" Məsləhət Şurasının sədri,şair-publisist Əkbər Qoşalı, "Xural TV"-nin sədri Əvəz Zeynallı, "Dünya Azərbaycanları Platforması" İctimai Birliyinin sədri Mehriban Paşayeva, Almaniya "Türk Tarixi və Mədəniyyətləri" muzeyinin Azərbaycan Respublikasında təmsilçisi Anar Rzayev və başqaları iştirak etmişdir.

Namiq MƏMMƏDLİ
Sabaha-inamla.az


























Baxış sayı: 202


Bölməyə aid digər xəbərlər