Bütün xəbərlər
Sumqayıtda “Gəncləri Dini radikalizm –ekstremizm və narkomaniyanın zərərli təsirlərindən qoruyaq“ adlı görüş keçirildi
Tarix: 29-01-2022 00:26 | Bölmə: Sosial

Sumqayıt Şəhər İcra Hakimiyyəti Başçısı yanında Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Komissiyanın təşəbbüsü, şəhər Gənclər və İdman Baş İdarəsi , Polis İdarəsi, Narkoloji Dispanserin və Dini Qurumlarla iş üzrə Dövlət Komitəsi Sumqayıt bölgəsi üzrə şöbənin birgə təşkilatçılığı ilə “Gəncləri Dini radikalizm –ekstremizm və narkomaniyanın zərərli təsirlərindən qoruyaq“ adlı maarifləndirici xarakterli görüş keçirilmişdir. Məqsəd yeniyetmə və gəncləri sağlam həyat tərzinə təşviq etmək, narkomaniya, tütün, alkoqol və digər psixatrop maddələrin mənfi təsiri ilə bağlı bilikləndirmək, cəmiyyət üçün narahatlıq doğuran dövlət - vətəndaş həmrəyliyini pozmağa, xalqın tarixi dəyərlərinə, milli düşüncə sisteminə zərbə vurmağa istiqamətlənmiş hərəkətlərdən qorumaqdır.
27 yanvar 2022-ci il tarixində İqtisadi Zonaların İnkişafı Agentliyinin nəzdində Sumqayıt Peşə Təhsil Mərkəzində və 24 nömrəli tam orta məktəbdə mövcud pandemiya qaydalarına uyğun keçirilən tədbirdə ilk öncə vətənimizin azadlığı uğrunda canından keçmiş şəhidlərimizin əziz xatirəsi bir dəqiqəlik sükutla yad edilmiş, Azərbaycan Respublikasının Dövlət Himni səsləndirilmişdir.
Peşə Mərkəzinin direktor müavini Anar Allahverdiyev qonaqları salamlayaraq mövzunun əhəmiyyətindən, narkomaniyanın yeniyetmə və gənclərin şəxsiyyətinin, sağlamlığının inkişafına mənfi təsirindən danışaraq bu bəladan qorunmanın vacibliyini qeyd etmişdir.
Daha sonra şəhər Gənclər və İdman Baş İdarəsinin rəis müavini Rüfət Mahmudzadə çıxış edərək Respublikamızda narkomaniya və narkobizneslə mübarizənin ən üst səviyyədə aparıldığını bildirmiş, şəhərimizdə narkotik vasitələrin, psixotrop maddələrin və onların prekursorlarının qanunsuz dövriyyəsi və narkomanlığın yayılmasına qarşı mübarizədən, dini radikalizm və ektremizimin qarşısının alınmasından irəli gələn vəzifələrdən danışmış, qabaqlayıcı əməli-profilaktik tədbirlərin mütəmadi olaraq həyata keçirildiyini qeyd etmişdir.
Narkoloji Dispanserin həkimi Vüsal Cabbarov, Dini Qurumlarla İş üzrə Dövlət Komitəsinin Sumqayıt bölgəsi üzrə şöbənin əməkdaşı Yalçın Abdullayev və şəhər Polis İdarəsinin əməkdaşı Azər Bağırov bəşəriyyət üçün ən təhlükəli bəla olan narkomaniyanın gənclər və yeniyetmələr arasında daha çox yayılma təhlükəsindən, sağalmaz xəstəliklərə düçar edən bu dəhşətli bəlanın vurduğu zərərlərdən, törətdiyi fəsadlardan geniş bəhs edərək zərərli vərdişlərdən uzaq olmağı gənclərə tövsiyyə etmişlər.
Sonda gəncləri maraqlandıran suallar cavablandırılmış, mövzuya uyğun videoçarxlar nümayiş olunmuş, maarifləndirici bukletlər paylanılmışdır.

Sabaha-inamla.az










Baxış sayı: 210


Bölməyə aid digər xəbərlər