HƏRTƏRƏFLİ GÖZƏLLİYƏ MALİK OLAN NAXÇIVANIMIZ-Nəcəf Əliyev
Tarix: 17-11-2021 22:00 | Bölmə: Sosial

Qızılı fəsil adlandırılan payız aylarını yaşayır qədim oğuz eli Naxçıvan.Dərin qış yuxusuna hazırlaşan təbiət doğma Naxçıvanda öz təbii çalarları ilə özünü biruzə verir.Səmada isti ölkərə köç edən quş qatarları,şəhərin bağlarını öz qızılı rənginə boyayan ağacların saralmış yarpaqları,buladlardan süzülərək şəhərin küçələrini isladan yağışın damcıları,bir sözlə, payızın gözəlliyini yaşayan doğma şəhərimiz rəssamin firçasından çəkilən bir rəsm əsərini xatırladır insana.İnsanın ruhunu oxşayan bu ilahi huzurda sanki, bir gözəllik vardır.Təbiətdən gələn bu gözəlliyə yeni bir gözəllik qatan şəhərimizin zəhmətkeş insanlarının da xidmətlərini qeyd etmək yerinə düşər.
Son illər bolluq və firavanlıq dövrünü yaşayan doğma diyarımız Naxçıvanın zəhmətkeş insanlarının sayəsində bu nailiyyətə yetişmişdir.Cari ilin18 oktyabr tarixindəDövlət Müstəqilliyimizin Bərpasının 30 illiyini qeyd etdik.Heç kimə sirr deyil ki, bu 30 il hamar və firavan keçməmişdir.Tarıx boyu ərzində başı bəlalar çəkən Azərbaycanımız bu son otuz ilində də böyük imtahan və sınaqlardan keçmiş,nankor qonşularımız tərəfindən torpaqlarımız işğal altına düşmüş,çoxlu sayda şəhidlər vermiş,yüz minlərlə vətandaşımız öz doğma yurdunda qaçqın və köçkün həyatı yaşamışlar. Qalib Azərbaycan xalqının kecən il döyüş meydanlarında düşmənə qarşı göstərdiyi şücaət nəticəsində qazanılan Böyük Zəfər tarix boyu ərzində qazanılan ən uğurlu qələbə olmuşdur.30 il erməni tapdağında qalan torpaqlar 44 gün ərzində qəhrəman oğullarımızın sayəsində işğaldan azad olunmuşdur.Torpaqlarımızın işğaldan azad olunması xalqımız və ölkəmiz qarşısında yeni vəzifələr və üfüqlər yaratmışdır.Torpaqlarımızin bərpası,yeni infrastruktur sahələri yaradılması, yeni şəhər və kəndlərin salinması,qaçqın və köçkünlərimizin öz yurdlarına geri qaytarılması kimi problemlərin öhdəsindən yalniz məğrur və qalib Azərbaycan xalqı gələ bilər.44 gün ərzində döyüş meydanında qəhrəmanlıq göstərən xalqımız hal hazırda işğaldan azad olan torpaqlarda yollar salır, tunellər tikir,beynəlxalq standartara cavab verən aeroportlar inşa edir, su, qaz və elektrik enerjisi xətləri çəkir, ağıllı kəndlər və qəsəbələr qurur. Əlbətdə ki,bütün bu işləri görməyi dayanıqlı və davamlı iqtisadiyyata malik olan Azərbaycan kimi qüdrətli bir ölkə bacarar.
Xalqımızın şanlı və ədalətli Vətən Müharibəsində qələbə qazanmasında doğma Naxçıvanımızın da büyük xidmətləri olmuşdur.Azərbaycanın ayrilmaz hissəsi olan Naxçıvanın mərd oğulları qəhrəmancasına döyüşmüş,döyüş meydanlarında misilsiz igidlik göstərmişlər.Azərbaycan tarixinə öz adlarını qızıl hərflərlə yazmış qəhrəmanlar xalqın yaddaşında əbədi yaşayacaqlar.
Qəhrəman oğullar yetişdirən doğma Naxçıvanımız döyüş meydanında olduğu kimi,son dövrlər ölkə iqtisadiyyatının bütün sahələrində də uğurlar qazanir. Dünyanın böyük bir problemlə qarşılaşmasına baxmayaraq, ölkəmizdə və muxtar respublikada quruculuq işləri öz axarı ilə davam edir.
2020- ci ilin əvvəlindən başlayaraq dünyanı cənginə alan pandemiya əksər dünya ölkələrinin iqtisadiyyatına ciddi zərbə vurmuşdur.Hətta qabaqcıl texnologiyaya malik olan inkişaf etmiş ölkələr belə pandemiyanın onların iqtisadiyyatına vurduğu zərbələrin gücündən bir neçə illər sonra özlərinə gələ biləcəklər.Təbii ki, iqtisadiyyatı dünya iqtisadiyyatının ayrılmaz tərkib hissəsi olan Azərbaycan iqtisadiyyatı da bu pandemiyadan təsir görmüşdür.Lakin Azərbaycan Prezidentinin sosial-iqtisadi sahədə də apardığı uğurlu siyasət nəticəsində ölkəmiz bu böhrandan uğurla çıxmaqdadir. Təkcə bir fakta müraciət edək: kecən ilin analoji dövrü ilə müqayisədə 2021- ci ilin səkkiz ayı ərzində Azərbaycanda Ümumi Daxili Məhsul 3,6 % artmışdır.Qeyri neft sektorunda artım isə 5,5% təşkil etmişdir.Əgər nəzərə alsaq ki,keçən 7 ay ərzində ölkə iqtisadiyyatı 2,7%,o cümlədən qeyri-neft sektoru 5,3% artmışdır,o zaman ölkə iqtisadiyyatının uğurla inkışaf etdiyini söyləyə bilərik.İqtisadiyyatın artımının məqsədi ölkə əhalisinin həyat səviyyəsinin yaxşılaşmasına xidmət etməkdir.Həqiqətən,iqtisadiyyatın artım tempi nə qədər yüksək olarsa,ölkə və onun əhalisi yaxşı yaşayar.Lakin iqtisadi artıma birbaşa əks təsir edən infilyasiya göstəricisini də nəzərə almamaq olmaz.Rəsmi statistikaya görə ilin əvvəlindən başlayaraq,təəssüf ki, infilyasiya da artım sürəti götürmüşdür.Bu da iqtisadiyyatin artım tempinə təsir etməyə bilməz.Keçən ilin bu dövrü ilə müqayisədə ölkədə istehlak mallarının indeksi 104,8% olmuşdur.Ərzaq məhsullarının,tütün və içkinin qiyməti 5,4%, qeyri-ərzaq məhsullarının və xidmət tariflərinin qiyməti 4,2% artmışdır.İnfilyasiyanın artım səbəblərindən biri də bayaq qeyd etdiyimiz kimi, dünyanı cənginə alan pandemiya,quraqlıq,qlobal istiləşmə və onun təbiətə vurduğu ziyanlardır.Bəşəriyyətin başına gələn bu bəlalarda insan faktorunun böyük rolu olsa da,insan amilindən asılı olmayan təbiət hadisələr də baş verməkdədir.Atalar demişkən, elnən gələn toy-bayram olar.Tarix ərzində xalqımızın başına gələn müsibətlərə sinə gələn xalqımız bütün bu çətinliklərdən alnıaçıq çıxmağı bacaracaqdır.
Nəcəf Əliyev


Baxış sayı: 168


Bölməyə aid digər xəbərlər
25-11-2021, 14:12 AMEA-da yeni təyinatlar