Bütün xəbərlər
Şahin İsmayılov 17 şəhid verən kəndin məktəb problemini səsləndirdi
Tarix: 17-11-2021 21:24 | Bölmə: Sosial

                    Şahin İsmayılov 17 şəhid verən kəndin məktəb problemini səsləndirdi



Deputat Şahin İsmayılov noyabrın 16-da Milli Məclisin 2022-ci il dövlət büdcəsi layihəsinin müzakirə edildiyi plenar iclasda çıxış edərkən Beyləqan rayonunun Vətən müharibəsində 17 şəhid verən Kəbirli kəndindəki məktəbin qəzalı vəziyyətdə olmasını bildirib.
“Qafqazinfo” xəbər verir ki, millət vəkili hökumət nümayəndələrindən məktəbin yenidən qurulmasını mümkün qədər tezləşdirməyi xahiş edib.
“Kəbirli kəndi Azərbaycanda ən çox şəhid verən kənddir. Həmin kəndin məktəbi olduqca qəzalı vəziyyətdədir və yüngül formada desək, orada dərs demək faktiki olaraq mümkün deyil. Mən təhsil naziri və hörmətli cənab Baş nazirin burda olmasından istifadə edərək qəhrəman kəndin məktəbinin mümkün qədər tez bir vaxtda yenidən qurulmasına növbəti dövr ərzində köməklik göstərmələrini xahiş edirəm. Ümumiyyətlə, Beyləqan rayonunda məktəblərlə bağlı kifayət qədər problemlər var. Qəzalı məktəblərin sayı çoxdur. Bu sahəyə xüsusi diqqət göstərilməsi yaxşı olardı. Bundan başqa, rayonda içməli və suvarma suyu ilə bağlı ciddi problemlər var ki, ayrılıqda bu məsələləri aidiyyəti qurumlara təqdim edəcəm”, - deyə Şahin İsmayılov çıxışında qeyd edib.
Gənclər siyasətindən danışarkən dəyişikliklərin önündə gələn əsas qüvvənin gənclər olduğunu deyən Şahin İsmayılov dünyada ən uğurlu təcrübə və qəbul olunan modelin “Gənclər gənclər üçün iş yaratmalıdır” mexanizminin ölkəmizdə daha çox tətbiq edilməsi zərurətini nəzərə çatdırıb: “Bu mexanizm əsasən startaplar və biznes inkubatorlarından keçir. Bu istiqamətlər üzrə yeni layihələrin icrası və aidiyyəti dövlət qurumlarının bir-biri ilə müvafiq iş birliyi, o cümlədən gənclər təşkilatlarının yaxından iştirakı ilə prosesi genişləndirmək olar”.


Baxış sayı: 206


Bölməyə aid digər xəbərlər