«Azərbaycan»çılar- Aygül Bağırova
Tarix: 19-10-2021 21:13 | Bölmə: Sosial

Bu gün "Azərbaycan" qəzeti Azərbaycan jurnalistikasının şah əsəridir, Azərbaycan ictimaiyyətinin fikir mərkəzidir. Ölkədə gedən bütün proseslər onun səhifələrində öz əksini tapır və cəmiyyətdə rəğbətlə qarşılanır. Qəzetlər çoxdur, təbii ki, bu çoxluq hələ kəmiyyət göstərisi deyil.Mətbuat aləminə göz açdığı gündən üzərinə böyük bir missiya götürən "Azərbaycan” qəzeti hər şeydən öncə bu missiyanı adında ifadə edir.
"Azərbaycan" qazeti adi mətbu orqanlardan biri deyil.Qazet Azərbaycan Xalq Cümhuriyyətinin yaşıdıdır! "


Azərbaycan” qəzeti həm də obyektiv bir salnaməçi olub. Bizim müstəqilliyimizin salnaməçisi. Həm də müstəqilliyimizin atributlarından birinə çevrilib.Amma 1918 ci ildən fəaliyyətə başlasada Akademik İsa Həbibbəylinin çox sərrast olaraq göstərdiyi kimi: "Yalnız Azərbaycan xalqının Ümummilli Lideri Heydər Əliyev 1993-cü ildə ikinci dəfə Azərbaycanda siyasi hakimiyyətə qayıtdıqdan sonra "Azərbaycan” qəzeti sözün həqiqi mənasında əsl rəsmi dövlət qəzeti kimi fəaliyyət göstərməyə başlamışdır”.


"Azərbaycan” yeganə qəzetdir ki, rəsmi dövlət statusu daşıyır. "Azərbaycan” yeganə qəzetdir ki, Milli Məclisin orqanıdır. Yəni yaradıcı kollektivin orqanı deyil, yaradıcı kollektivin yaratdığı qəzet deyil.Bu gün "Azərbaycan” qəzeti təkcə rəsmi dövlət qəzeti deyil, həm də Azərbaycanın elitar mətbu orqanıdır. Ümummilli Lider Heydər Əliyevin Naxçıvan dağları üçün dediyi məşhur ifadəni iqtibas etsək, deyə bilərik ki, "Azərbaycan” qəzeti Azərbaycanın sanballı, ciddi, ağırtaxtalı media orqanıdır.
"Azərbaycan" keyfiyyətinə, minlərlə Azərbaycan ziyalısının zövqünü, maraq dairəsini tam mənada ödədiyinə görə baş qəzetlərdəndir. Bütün bunlarla yanaşı "Azərbaycan” qəzetində xalqımız üçün mühüm əhəmiyyət kəsb edən dövlət sənədləri, Azərbaycan Respublikası Prezidentinin fərman və sərəncamları, Milli Məclisin qəbul etdiyi qanunlar dərc olunur ki, bu da müasir dövr tarixinin siyasi, sosial-iqtisadi, mədəniyyət, hərbi məsələlərin araşdırılmasında tədqiqatçılar üçün çox geniş imkanlar yaradır.Mən bu qəzetdə o qədər maraqlı, sanballı, oxunaqlı yazılarla üz-üzə gəlmişəm ki, onların sayı-hesabı yoxdur. Bu qəzetin daimi müəllifləri sırasında cox hörmətli millət vəkillərimizin imzalarını tez-tez görürəm və əlbəttə yazilarindan maariflənirəm.Çünki səhifələrində yer verilmiş məqalələrdə "Azərbaycan” deyən, bu ad, bu Vətən üçün canını qurban verməyə hazır olan böyük dövlət adamlarımızın ürəyi döyünür.
"Azərbaycan" bu mənada həm də maarifçi qəzetdir və Zərdabi ənənələrini davam etdirir.


Əlbəttə, hər bir qəzetin çalışan zəhmətkeş heyəti olur. Qəzetin bugünkü baş redaktoru, sələflərinin layiqli xələfi və onların işini yüksək səviyyədə davam etdirən Milli Məclisin deputatı Bəxtiyar Sadıqovdur. Əsl təşkilatçılıq qabiliyyəti, yüksək seçim istedadı, məsuliyyət hissi və ən başlıcası jurnalist məharəti Bəxtiyar Sadıqovun simasında özünü əks etdirir. Təsadüfü deyil ki, Əməkdar Jurnalist Bəxtiyar Sadıqov çağdaş Azərbaycan mətbuatının görkəmli simalarından biri kimi tanınır. “Azərbaycan”ın səhifələrində dövrümüzün həqiqətləri öz geniş əksini tapır. Bu gün “Azərbaycan” qəzeti ulu öndər Heydər Əliyevin qurduğu, Prezident İlham Əliyevin dünyanın nüfuzlu ölkələri sırasına çıxardığı Azərbaycanın uğurlarının tərənnümçüsü, dövlətçilik və azərbaycançılıq ideologiyamızın yorulmaz təbliğatçısıdır. Dövlətimizin siyasətini dəstəkləyir və kütlələrə çatdırır. Bir sözlə, Bəxtiyar müəllim “Azərbaycan”ın üzərinə düşən tarixi missiyanı baş redaktor olaraq ləyaqət və şərəflə yerinə yetirir. O, bu müqəddəs işdə illərdir rəhbərlik etdiyi və uğurla formalaşdırdığı kollektivin gücünə və bacarığına arxalanır. Belə ki, bu gün qəzetdə Bəxtiyar müəllimlə çiyin-çiyinə təcrübəli qələm sahibləri və cavan jurnalistlər dəstəsi çalışır. Bu dəstə elə qəzetin özünün püxtələşdirdiyi yetirmələridir. "Azərbaycan"da çalışanlar məhz belə insanlardır. Qəzetin bu nailiyyətləri həm onun baş redaktorunun, həm də bütün əməkdaşlarının birgə əməyinin nəticəsidir.
Kollektivdə uzun illərdir ki öz qələm dəsti -xətti ilə daima secilən, hər zaman yaxından ünsüyyətdə olduğum insanın fəaliyyətini mütləq qeyd etməliyəm. Bu mənim qısa müddət ərzində illərin yaratdığı doğmalıqla "ustadim" dediyim, yaradıcılığımda mənə ən böyük dəstəyi verən gənc yazar kimi daima mənə dəyərli tövsiyələrini əsirgəməyən, hər məqaləmi öz məqaləsi kimi oxuyub, düzəlişlər üzərində düşünmələrimi tövsiyə edən: "Nəyin niyə düzəldildiyini dərk etdinsə, yaxşı yazar olacaqsan" deyən və bu gündə kitabımın redaktoru kimi gecə-gündüz dayanmadan əziyyət cəkən Məhəmməd Nərimanogludur.
Sadəlik və təvazökarlıq bu insana müyəssər olan ümdə xüsusiyyətlərdəndir. "Ustad" ın keçdiyi ömür yolunda qürur duyulmalı, fəxr edilməli məqamlar çoxdur.Məhəmməd müəllimə görə, bütün bunların daşıdığı dəyər odur ki, qələminə sarılaraq seçdiyi çətin peşəyə həmişə sadiq qalıb. Ona tapşırılan işə, etibar edilən vəzifəyə məsuliyyətlə yanaşıb, çalışdığı redaksiyaların, daha sonra isə qələmi ilə oxucularının, insani keyfiyyətləri ilə onu taniyan hər kəsin sevgi, rəğbətini qazanıb.
Mənim ilk dəfə " Azərbaycan" qazetində yazılarımın dərc edilməsi də, məhz Məhəmməd müəllimin köməkliyi ilə oldu.Rəsmi dövlət qazetində yazdığım ilk məqalə dərc ediləndə keçirdiyim hisslər düşür yadıma: qürur, könül xoşluğu, sabahlara dikilən baxışlar, qətiyyət. Mənə elə gəlir ki, bu hissi yaşayan hamı belə yaşayıb.Və bugün artıq mütamadi olaraq mənim ictimai siyasi fəaliyyətim "Azərbaycan", qəzetində öz əksini tapır, Ona görə də "Azərbaycan"in mənə göstərdiyi bu böyük qayğının, etimadın qarşısında ilk başda baş redaktor Əməkdar jurnalist, Milli Məclisin deputatı Bəxtiyar Sadıqov bəyə, bütün yaradıcı heyətə və ən əsası "ustadım" Məhəmməd müəllimə dərin təşəkkürümü bildirirəm.
Qeydlərimi Ulu Öndərin aforizm səciyyəli bir fikri ilə bitirmək istərdim: "Azərbaycan” qəzeti respublikamızda baş verən həqiqətlərin geniş ictimaiyyətə çatdırılmasında, dünyaya yayılmasında yüksək professionallıq, obyektivlik, prinsipiallıq, əsl dövlətçilik və vətəndaşlıq mövqeyi nümayiş etdirir”.
Ümummilli Liderin təsbit etdiyi bu şərəfli yolda 103 yaşlı "Azərbaycan” qəzetinin yaradıcı kollektivinə yeni-yeni uğurlar diləyir, fəaliyyətinin növbəti - akademik İsa Həbibbəylinin "XXI əsrin müstəqil dövlətçilik və inkişaf tribunası. İlham Əliyev dövrü” kimi müəyyən etdiyi müasir mərhələdə daha uca zirvələrə yüksəltməyi arzu edirik.

Aygül Bağırova,
YAP fəalı,
Azərbaycan Jurnalistlər Birliyinin üzvü,
"Qızıl qələm" media mükafatı laureatı









Baxış sayı: 112


Bölməyə aid digər xəbərlər
25-11-2021, 14:12 AMEA-da yeni təyinatlar