MEDİA-nın Müşahidə Şurası üzvlərinin sayı azaldıldı
Tarix: 19-10-2021 19:53 | Bölmə: Sosial

                     MEDİA-nın Müşahidə Şurası üzvlərinin sayı azaldıldı


Prezident İlham Əliyev “Azərbaycan Respublikasında media sahəsində islahatların dərinləşdirilməsi haqqında” Azərbaycan Respublikası Prezidentinin 2021-ci il 12 yanvar tarixli 1249 nömrəli Fərmanında dəyişiklik edilməsi barədə fərman imzalayıb. 
“Qafqazinfo” xəbər verir ki, sənədə əsasən, Medianın İnkişafı Agentliyinin (MEDİA) fəaliyyətinə ümumi rəhbərliyi və nəzarəti həyata keçirən Müşahidə Şurası üzvlərinin sayı azaldılıb. Belə ki, üzvlərin sayı 6-dan 4-ə endirilib.
Fərmana əsasən, Agentliyin strukturunun, əməyin ödənişi fondunun, işçilərinin say həddinin və onların əməkhaqlarının (vəzifə maaşının, vəzifə maaşına əlavələrin, mükafatların və digər ödənişlərin) məbləğinin Azərbaycan Prezidenti ilə razılaşdırmaqla təsdiq ediləcək.
Fərmanla İcraçı direktorun müavinlərinin sayı 2-dən 1-ə endirilib.  
Nazirlər Kabinetinə bu Fərmandan irəli gələn məsələləri həll etmək tapşırılıb. 


Baxış sayı: 56


Bölməyə aid digər xəbərlər
25-11-2021, 14:12 AMEA-da yeni təyinatlar