Sumqayıtda “Hədəf düşməndir” adlı tir atıcılığı yarışı keçirildi
Tarix: 13-10-2021 17:59 | Bölmə: Sosial


Sumqayıt şəhər Gənclər və İdman Baş İdarəsinin təşkilatçılığı ilə şəhərin müxtəlif sahələrini təmsil edən gənclərdən ibarət komandalar arasında 44 günlük Vətən müharibəsinə həsr olunmuş “Hədəf düşməndir” adlı Pnevmatik tüfəngdən tir atıcılığı yarışı keçirilmişdir.
Yarışın məqsədi 44 günlük Vətən müharibəsinin və Şanlı Zəfər tariximizin geniş təbliği, gənclərin çağırışaqədər hərbi hazırlıq səviyyəsinin yüksəldilməsi, vətənpərvərlik və vətəndaşlıq ruhunda tərbiyəsi və asudə vaxtlarının səmərəli təşkilidir.
7 komandanın təmsil olunduğu yarışda iştirakçılar hədəfi dəqiq nişan alma mübarizəsində öz bacarıqlarını sınamışlar. Gərgin və maraqlı şəraitdə keçən yarışın yekununda I yeri Gənclərin İnkişaf və Karyera Mərkəzinin şəhər nümayəndəliyinin “Komando”, II yeri Qızıl Aypara Cəmiyyətinin Sumqayıt bölməsinin “Aypara”, III yeri isə Sumqayıt Regional Mədəniyyət İdarəsinin “Nişançılar” komandası tutmuşdur.
Qalib komandalar Baş İdarənin medal,fəxri fərman və hədiyyələri ilə təltif edilmişdir.

Sabaha-inamla.az








Baxış sayı: 46


Bölməyə aid digər xəbərlər