Müqamət Əliyev: “Ali Baş Komandanımız prezident İlham Əliyevin müntəzəm olaraq Qarabağa səfər etməsi və hərbi təlimləri izləməsi gənclərin vətənpərvərlik hisslərinin yüksədilməsində əvəzedilməz rol oynayır”
Tarix: 28-09-2021 09:44 | Bölmə: Sosial

 “Güclü, qüdrətli və üstün döyüş qabiliyyətli milli ordumuzun varlığı gənclərdə böyük şövq yaradır”



Gənclərin milli mənlik şüurunun inkişaf etdirilməsi və onların vətənpərvərlik hisslərinin yüksədilməsi  bu gün Azərbaycan dövlət gənclər siyasətinin ən mühüm istiqamətlərindən  biri hesab edilir.      
    Təsadüfi deyil ki, sözügedən istiqamət dövlət gənclər siyasəti, bu sahədə imzalanan fərman və sərəncamlarda da öz əksini tapır. Sevindirici hal ondan ibarətdir ki, gənclərin milli mənlik şüurunun inkişaf etdirilməsi və onların vətənpərvərlik hisslərinin  artırılması istiqamətində ölkədə fəaliyyət göstərən əksəriyyət QHT və  gənclər təşkilatları da aktiv rol oynayırlar. Belə gənclər təşkilatlarından biri də  Gənc Vətənpərvərlər İctimai Birliyidir.1999-cu ildən  fəaliyyətə başladığı gündən  birliyin nizamnaməsinə uyğun gənclərin  vətənpərvərlik ruhunun artırılması istiqamətində bir çox layihə və tədbirlər həyata keçirən Gənc Vətənpərvərlər İctimai Birliyi hazırda da bu istiqamətdə fəaliyyətini davam etdirir. Xüsusilə, İctimai Birliyin sədri Müqamət Əliyevin   bu istiqamətdəki fəaliyyətini xüsusi qeyd etmək yerinə düşər. Müqamət Əliyev   ( Muğan ) ilə söhbətimizdə gənclərimizin milli vətənpərvərlik ruhunun artırılması istiqamətində Gənc Vətənpərvərlər  İctimai Birliyinin gördüyü işlər, bu istiqamətdəki mövcud vəziyyət barədə danışıb.


- Müqamət Əliyev, bu gün Azərbaycan gənci nə dərəcədə vətənpəvərdir və gənclərimizin vətənpərvərliyi,fəallığı qaneedici sayıla bilərmi?
-Azərbaycan gənci hər zaman vətənpərvər olmuşdur. Tarixin hər səhifəsində Azərbaycanın vətənpərvər gənclərinin imzası var. Həm keçən əsrin əvvəllərində ilk müstəqil demokratik dövlətimizi quranlar və üçrəngli bayrağımızı qaldıranlar arasında, həm də keçən əsrin sonlarında azadlıq uğrunda gedən mübarizədə vətənpərvər gənclərimiz ön sıralarda idi.                                                                                                              Azərbaycan Ordusunun sentyabrın 27-də işğalçı Ermənistan silahlı qüvvələrinə qarşı başladığı əks-hücum əməliyyatında əldə etdiyi möhtəşəm qələbələr haqqında bundan sonra kitablar yazılacaq, filmlər çəkiləcək. Amma indidən tam əminliklə deyə bilərik ki, cəbhə uğurlarımızın ən başlıca səbəbi Prezident, Ali Baş Komandan İlham Əliyevin son 17 ildə həyata keçirdiyi güclü dövlət, güclü ordu strategiyası, milli birlik və döyüşçülərimizin ruh yüksəkliyi idi.Azərbaycan xalqının əzmi və iradəsi, iqtisadi gücü, müasir ordu quruculuğu və xalq-iqtidar birliyi ölkəmizin İkinci Qarabağ müharibəsində qələbəsini təmin edən mühüm amillər oldu. Bu müharibədə qələbə Prezident İlham Əliyevin bu qələbəni qeyd etmək üçün xüsusi bayram gününün təsis edilməsi barədə sərəncam imzalamışdır.   

     Bəli, qürurla deyə bilərik ki, bu gün biz qalib ölkənin vətəndaşlarıyıq.  Hər bir Azərbaycan vətəndaşı  xoşbəxtdir ki, bu tarixi qələbənin şahidi oldu. Buna görə xalqımıza bu xoşbəxtliyivə tarixi qələbə sevincini yaşadan müzəffər ordumuza borcluyuq.  Bu gün işğaldan azad edilən torpaqlarımızda xidməti borcunu yerinə yetirən əsgər və zabitlərimiz sülhü və sabitliyi təmin edirlər. Onlara bu şərəfli missiyanı yerinə yetirməkdə uğurlar arzulayır, Vətən üçün canından keçən bütün şəhidlərimizə Allahdan rəhmət diləyirik!
   Gənc Vətənpərvərlər  İctimai Birliyinin hansı zəruriyyətdən  təsis olundu?                                                                                                Vətən torpaqlarının müdafiəsində də vətənpərvər gənclərimiz daim öz sözünü demişdir. Müstəqilliyə qovşandan sonra da həm Azərbaycanda, həm də xaricdə Azərbaycanın dünyada tanıdılması, onun səsinin dünyaya çatdırılması istiqamətlərində aparılan işlərdə vətənpərvər gənclər öz fəalliği ilə xüsusi seçilmişlər, hər zaman öndə olmuşlar. Bununla yanaşı hesab edirəm ki, gənclərimizdə vətənpərvərlik hisslərinin aşılanması, onlarda vətən sevgisinin və məsuliyyətlərinin daha da artırılması üçün qeyri-hökumət təşkilatları, xüsusilə də gənclər təşkilatlarının da öhdəsinə böyük məsuliyyət düşür.  
-Rəhbərlik etdiyiniz Gənc Vətənpərvərlər İctimai Birliyi gənclərin milli-mənəvi dəyərlərin və  onların vətənpərvərlik hisslərinin artırılması istiqamətində hansı addımlar atır, layihələr həyata keçirir?
-Uğurlu dövlət siyasətinin əsas göstəricilərindən biri də gənclər siyasətidir, hansı ki, bu siyasət Azərbaycanda dövlət siyasətinin mühüm tərkib hissəsidir. Təşkilatımız bir QHT təşkilatı kimi burada da daim dövlətin yanında olmağı qarşısına məqsəd qoymuş, hər bir məqamda dövlətə dəstək verməklə bu işə öz tövhəsini verməyə çalışmışdır. Yarandığı gündən bəri yüksək mənəviyyata, əxlaqa, vətənpərvərliyə, və biliyə malik gənclərin yetişməsinə töhfə vermək üçün bir çox maarifləndirimə işləri aparılmışdır. Misal olaraq, 2 fevral gənclər gününə həsr olunmuş  “Vətən sizi çağırır”,” İşhal altında olan torpaqlarımızı azad edək”,”Vətənin müdafiəsinə hazır ol” və. s  devizi  altındaMN –n hərbi arkestlərinin iştirakı ilə  hərbi marş sədaları altında   Nizami muzeyinin qarşısında  nümunəvi idman çıxışları və  C. Naxcıvanski adına hərbi liseyin kursantları və birliyin çox saylı üzvləri ilə yürüşləri  göstərə bilərik. Möhtəşəm tədbirdə  problemlərin effektli həlli üçün dövlətə bağlılığın əhəmiyyəti vurğulanmış, dövlətə və dövlətçiliyə, vətənpərvərliyə qarşı çıxan, onun nüfuzunun zəiflədilməsinə yönələn bir sıra zərərli ideologiyaların gizli tərəfləri göstərilmiş, təhlükəsizliyin, cəmiyyətin ümumi rifahının təmin edilməsi üçün dövlətin güclü olmasının zəruriliyi diqqətə çatdırılmışdır. Hər il  QHT Dövlət Dəstəyi Şurasının , Gənclər Fondunun  Gənclər və İdman Nazirliyin dəstəyi ilə  təşkil etdiyimiz və dövlət, dövlətçilik konsepsiyası, dövlətçiliyin mühafizəsində vətənpərvərlik, mənəvi dəyərlərin müstəsna rolundan bəhs etdiyimiz “Heydər Əliyev  ideyaları XXI əsrdə “,”Heydər Əliyev irsi və dövlətçiliyin qorunmasında mənəvi dəyərlərin rolu”,”Heydər Əliyev və Müasir Azərbaycan tarixi adlı  elmi praktik konfransımızda  vətənpərvər Heydər Əliyevin dövlətçilik prinsipləri ətraflı olaraq diqqətə çatdırılmış, bu prinsiplərin, Prezident İlham Əliyev tərəfindən də müvəffəqiyyətlə həyata keçirildiyi xüsusi qeyd olunmuşdur. Gəncliyin vətənpərvər ruhunda  yetişməsində böyük maneələrdən biri olan müxtəlif dini təriqətlərin ekstremist və ayrı-seçkilik çağırışları ilə mübarizəyə, gənclərimizin bunlardan qorunmasına tövhə vermək üçün təşkil etdiyimiz Dini radikalizmə qarşı adlı  elmi nəzəri praktik konfransı nümunə göstərə bilərik. Bu tədbirlərimizlə həm də gənclərimizi, din pərdəsi altında anti dövlətə qarşı  və ümumiyyətlə gələcək nəsli vətəni sevmək, doğma yurda məhəbbət bəsləmək ruhunda maarifləndirməklə milli mənlik şüurunun inkişafında kiçik də olsa rol oynadığımıza ümid edirik və əlbəttə ki, bu işlər yenə də davam etdiriləcək.   
-Ümumiyyətlə, qeyri-hökumət təşkilatları və gənclər təşkilatlarının bu sahədəki rolu nə dərəcədədir.QHT-lər və gənclər təşkilatları bu istiqamətdə kifayət qədər fəaldırlarmı?
-Dövlətçiliyimizin keşiyində durmaq, onun suverenliyini, ərazi bütövlüyünü qorumaq kimi məsuliyyətli vəzifələrlə hər bir vətəndaş məsuldur. Bu vəzifələrin böyük bir hissəsinin gəncliyin üzərinə düşdüyünü nəzərə alaraq dövlətin yürütdüyü gənclər siyasətinin tərkib hissəsi kimi gənclər təşkilatlarının qarşısında dövlətə, dövlətçiliyə dəstək olan vətənpərvər gənclərin yetişdirilməsi istiqamətində gənclərin maarifləndirilməsi kimi mühüm vəzifə durmuşdur. Bu baxımdan qeyri-hökumət təşkilatlarının, xüsusilə gənclər təşkilatlarının üzərinə böyük məsuliyyət düşür. Məhz bu məsuliyyəti dərk edərək 1990-cı ildən  “Koroğlu “ Cəmiyyəti  adı altında fəaliyyət göstərən  eyni zamanda Azərbaycan Resbublikası  Gənclər Təşkilatları Milli  Şurasının yanında Gənclər arasında mili-hərbi vətənpərvərlik hisslərinin gücləndirilməsi komisiyasının bazası əsasında və 1999-cu ildən  Ədliyyə Nazirliyinin dövlət qeydiyyatından keçən Gənc Vətənpərvərlər İctimai Birliyi adında gənclər təşkilatı qurduq.     

     Qeyd edə bilərəm ki,  son illərdə baş vermiş 2016-cı ilin “Aprel  və 2020 -ci iln  2-ci Qarabağ döyüşləri bizim şanlı qələbəmizdir” mövzularında gənclərin fəaliyyətinə dair təşkil olumuş  və digər  müxtəlif tədbirlər zamanı iştirak etdiyim görüş və söhbətlərdən, gənclər təşkilatlarının təmsilçilərinin çıxışlarından yaranan təsüratlarıma və müşahidələrimə əsasən deyə bilrəm ki, mövcud potensiallarına əsasən işlərinin öhdəsidən gəlirlər.
-Sizcə, gənclərimizi daha da vətənpərvər böyütmək üçün konkret hansı addımlar atmaq lazımdır?
-İlk növbədə qeyd edərdim ki, gənclərimizi daha da vətənpərvər böyütmək üçün Azərbaycan cəmiyyətində milli-mənəvi dəyərləri,həmrəyliyi, birliyi təmin etmək lazımdır. Həmçinin ölkəyə layiqli vətəndaş,vətənpərvər, sağlam nəslin, xüsusilə gəncliyin yetişdirilməsi üçün dövlətin düzgün vahid vətənpərvərlik  gənclər siyasəti olmalı, gənclərə göstərilən diqqət və qayğı daim dövlətin diqqət mərkəzində olmalıdır. Sevindirici haldır ki, cari ilin payız sesiyasında Milli məclisdəvahid vətənpərvərlik kansepsiyasınabaxılacaq.İnanıram ki,Milli  məclisin gündəliyinə cıxarılan bu  məsələ tezliklə  öz müsbət həllini tapacaq.Bir daha qeyd edirəm ki, uğurlu gənclər siyasəti uğurlu dövlət siyasətinin əsas göstəricilərindən biridir.Bu siyasətin tərkib hissəsi kimi gənclərin ən müxtəlif sahələrdə öz potensiallarından yararlanmasına şərait yaradılmasına, maarifləndirilməsinə, həmçinin bilik və bacarıqlarının müasir dünya tələbləri ilə uzlaşmasına, yüksək mənəvi dəyərlərə, o cümlədən yüksək vətənpərvərlik hisslərinə malik bir gəncliyin formalamasına xüsusi diqqət yetirməkdir. Cənab Prezident İlham Əliyevin bu yaxınlarda 2015-2025-ci illərdə Azərbaycan gənclərinin İnkişaf Strategiyasının təsdiq olunması haqqında Sərəncamı gələcək persektivdə bunları hədəfləmişdir.
-Ali Baş Komandan, prezident İlham Əliyevin müntəzəm olaraq İkinci Qarabağ müharibəsi nəticəsində Azərbaycanın nəzarət altına aldığı Şuşa ölkənin mədəniyyət paytaxtı elan edilməsi , eyni zamanda  əhalinin məskunlaşması  bağlı azad olunmuş  torpaqlara  səfər etməsi, quruculuq abadlıq işlərin aparılması, hərbi təlimləri izləməsi gənclərimizin vətənpərvərlik hisslərinin artmasına nə dərəcədə müsbət təsir göstərir?
- Azərbaycanın güclü və müasir ordusunun olmasını zəruri edir. Ali Baş Komandanımız prezident İlham Əliyevin müntəzəm olaraq cəbhə xəttinə səfər etməsi, hərbi təlimləri izləməsi, vətən keşiyində duran zabit və əsgərlərlə görüşü gənclərimizdə bu şövqü daha da artırır, özünə əmin edir. Bütün bunların gənclərin vətənpərvər yetişməsində və vətənpərvərlik hisslərinin artırılmasında əvəzedilməz rolu var. Fəxrlə deyə bilərik ki, Azərbaycanın bu gün belə bir ordusu var. Güclü, qüdrətli və üstün döyüş qabiliyyətli milli ordumuzun varlığı gənclərdə böyük şövq yaradır. Buna misal olaraq “Aprel  və 2-ci Qarabağ döyüşlərində uğurlu əks-hücum əməliyyatı nəticəsində  torpağımızın işğalçılardan azad edilməsindən, Azərbaycan Ordusunun tam nəzarətinə keçməsindən, uzun illərdən sonra qəhrəman döyüşçülərimizin xalqımıza yaşatdığı qələbə sevincidir. Ali Baş Komandanımızın da dəfələrlə dediyi sözləri sitat gətirərək, qeyd etdi ki, aprel və 2-ci Qarabağdöyüşləri dövlətimizin və ordumuzun gücünü, xalqımızın birliyini, həmrəyliyini və vətənpərvərliyini nümayiş etdirdi.                                                                    -Bağçalarda, orta məktəblərdə uşaqlar kifayət qədər vətənpərvər böyüdülürmü?       

Onu deyə bilərəm ki, Təhsil Nazirliyin müvafiq əmrinə əsasən ümumtəhsil məktəblərində  ilk tədris  dərsi vətənpərvərlik mövzularında keçirilir.
Ancaq  deyə bilərəm ki, bütün dünyanı cəndinə  alan Covid-19 pandemiyası  azərbaycandan da yan keçməmişdir.Belə ki,bütün bu hadisələrin fonunda narahatedici məqamlardan biri də məlum vəziyyətlə bağlı təhsil sahəsində yaşanan çətinliklərdir. 2020-ci ilin martın 3-də COVID-19 pandemiyasının yayılması səbəbi ilə ölkədə rəsmi karantin rejimi elan edildikdən sonra bütün təhsil müəssisələri bağlandı. Neçə müddətdir ki, şagird səsinə həsrət qalan məktəblərdə,  boş sinif otaqlarında səssizlik hökm sürür.Lakin bu çətinliklərin aradan qaldırılması istiqamətində Təhsil Nazirliyinin  reallaşdırdığı layihələr, həyata keçirdiyi tədbirlər nəticəsində yaranan problemlərin həllinə  müvəffəq olundu. Belə ki, təhsil müəssisələrinin bağlandığı zaman nazirlik tərəfindən 2 telekanalda teledərslərə start verilməsinin, “Virtual məktəb” layihəsinin həyata keçirilməsinin, bunlarla yanaşı, müəllimlərin öz şagirdlərinə onlayn dərslər keçməsinin təhsilin davamlılığında, təhsilalanların təhsildən kənar düşməsinin qarşısının alınmasında əhəmiyyətli rolu danılmazdır.M.Əliyev düşünür ki, orta məktəblərdə uşaqlara vətənpərvərlik duyğusunu aşılamaq üçün fənn seçimi edilməməlidir." Hər fənnin öz funksiyası, öz vəzifəsi var. Mən düşünürəm ki, fənnindən asılı olmayaraq hər bir müəllim şagirdlərə vətənpərvərlik duyğusunu öyrətməyi bacarmalıdır. Çünki müəllim məktəbdə ilk növbədə şəxsiyyət yetişdirir və çalışmalıdır ki, həmin şəxsiyyət də vətəninə, millətinə layiq bir tərzdə yetişsin.  Kecirilən dərslərdə İşhal olunmuş  torpaqları azadlığı uğrunda  fədakarlıqla döyüşən Milli qəhrəmanlarımızı ,Qaziləri və Qarabağ haqqında uşaqlara Qarabağı tanıdmaq , onun başına gətirilən faciələri aşılamaq lazımdır .  Şagirdlərdə vətənə olan sevgi hissini, milli ruhu mütamadi olaraq aşılamaq lazımdır. Çünki bir insan öz ölkəsi, vətəni haqqında nə qədər çox məlumatlı olarsa, torpağını da bir o qədər çox sevər. Onun milli sərvətlərinə, milli dəyərlərinə qırılmaz iplərlə bağlanar. Və onu qorumağı özünə borc hesab edər".                                                                      M.Əliyevin sözlərinə görə, Gənclər təşkilatları və QHT-n də öz növbəsində hərə öz nizamnaməsinə uyğun olaraq, təbliğat və marifləndirmə işini aparmaqla  yanaşı, öz üzvlərinə az da olsa, vətənpərvərlik ruhunda tərbiyə işini gücləndirməlidirlər.Onu da qeyd edən  sədri Müqamət Əliyev  bildirdi ki, 2021-ci ildə  Azərbaycan Respublikasının  Gənclər Fondun təqdim etdiyimiz “Gənclər arasında Azərbaycanın qazi və qəhrəmanlarının təbliğ olunması  ” adlı layihəsinin 15 ci qarant müsabiqəsin  qalibi olnuşdur.      Layihənin əsas məzmunu , Gənclər arasında Azərbaycanın ərazi bütövlüyü uğrunda II –ci Qarabağ döyüşlərində iştirak edən qazi və şəhidlər haqqında məlumatlandırma, şəhid olmuş hərbçilərimizin, həmçinin qazi və qəhrəmanlarımızın  təbliğ olunması,  işğaldan azad edilmiş torpaqlarımızda məskunlaşmada gənclərin marağın artırılması, Azərbaycan xalqının əzmi və iradəsi, iqtisadi gücü, müasir ordu quruculuğu və xalq-iqtidar birliyi ölkəmizin İkinci Qarabağ müharibəsində qələbəsini  əhali arasında təbliği  , vətənpərvərlik  ruhunun qaldırılması,Sağlam həyat tərzi ilə bağlı  dözümlülük,mərdlik ,təşəbbüskarlıq  və zirəkliyin,soyuq qanlıq  kimi keyfiyyətlərin aşılanmasından ibarətdir.Layihə 3 ay müddətində Bakı şəhəri Gənclər evi, Ali və ümumtəhsil məktəbləruində və İdman cəmiyyətlərində təşkil olunacaq.            
-Ancaq hesab edirəm ki, vətənpərvərlik hisslərinin aşılanması və vətən sevgisinin öyrədilməsi mütamadi olmalıdır. Hərbi dərs saatların  artırılmasına, hərbi müəllimlərin işə qəbul edən zaman onların psixoloji durumunu  yoxlanılmasını   eyni zamanda müasir  beynəlxalq ordu standartlara cavab verən  silah plakatları və hərbi sinif otaqların  formalaşmasınada ehtiyac var . Müşahidələrimə əsasən deyə bilərəm ki, bu sahələr ilə məsul şəxslər vəzifələrinə vicdanla yanaşırlar. Lakin bu onlarda arxayınçılıq hissi yaratmamalı, özlərini də daim yetişdirməlidirlər, öz üzərlərində çalışmalıdırlar.
      Gənc Vətənpərvərlər  İctimai Birliyin  Sədri Müqamət Süleyman oğlu Əliyev  (Muğan)
Azərbaycan Respublikasının  Gənclər Fondunun maliyyə yardımı ilə  çap edilmişdir.
 


Baxış sayı: 242


Bölməyə aid digər xəbərlər
25-11-2021, 14:12 AMEA-da yeni təyinatlar