“Adım Ələsgərdir, Göyçə mahalım...”
Tarix: 29-01-2021 15:36 | Bölmə: Ədəbiyyat

                   “Adım Ələsgərdir, Göyçə mahalım...”


“Aşıq Ələsgər Alməmməd oğlu 1821-ci ildə qədim yurd yerimiz Basarkeçərin Ağkilsə kəndində anadan olub. Ələsgər xalq şeirimizi əsil xalq dilində, şirin bir ovqatla yaşadan, yaradan, aşıq sənətini zənginləşdirən, özünün Ustad möhürünü vuran Sənətkardır”.
“Qafqazinfo” xəbər verir ki, bunu siyasi elmlər doktoru, professor Vaqif Abdullayev müəllif yazısında qeyd edib.
Sözügedən yazını təqdim edirik: 
“Aşıq Ələsgər yaradıcılığına dövlət səviyyəsində həmişə yüksək qiymət verilib, Ümummilli lider Heydər Əliyevin təşəbbüsü ilə 1972-ci ildə Moskvada böyük sənətkarımızın 150 illik yubileyi qeyd olunub. Dahi sənətkarın Ağkilsədə büstü qoyulub. 1972-ci ildə Ustadın anadan olmasının 150 illiyi keçirilib, 1997-ci ildə Ulu öndərin sərəncamına əsasən, 175 illik yubileyi dövlət səviyyəsində qeyd edilib. Bu, Heydər Əliyev tərəfindən Aşıq Ələsgər yaradıcılığına, qədim el sənətinə, Göyçənin sənətkar oğluna verdiyi yüksək dəyərdir.
Bu zəngin ənənə Prezident İlham Əliyev tərəfindən davam etdirilib, Onun sərəncamı ilə 2011-ci ildə Ustad Aşığın 190 illik yubileyi ölkəmizdə böyük təntənə ilə qeyd olunub, Heydər Əliyev Sarayında yubiley tədbiri keçirilib. Cənab Prezidentin yüksək diqqətinin nümunəsi kimi Gədəbəydə “Aşıq Ələsgər adına Aşıq Məktəbi”i açılıb. Azərbaycan Aşıqlar Birliyi 2011-ci ili “Aşıq Ələsgər ili” elan edib.
Dədə Ələsgər dərin söz xəzinəsidir, milli ruhumuzu oxşayan xalq şeirini zənginləşdirən söz sərrafıdır. Peyğəmbərlərin sonuncusu Məhəmməddir (Ə.S), el arasında deyimə görə də, aşıq yaradıcılığının Peyğəmbəri Dədə Ələsgərdir.
İstəsən ki, Ələsgəri görəsən, Göyçə mahalıdı mahalım mənim! Püşti-pənahına daldalanmışam, Adım Ələsgərdi, əslim Göyçəli!
Onun şeirləri o qədər axıcı, milli və şirindir ki, xalqın dilində əzbərə çevrilib.
Faşist ermənilər Aşıq Ələsgərin Ağkilsədəki büstünü oğurlayıblar. Cənab Prezident Şuşaya səfəri zamanı “Güllələnmiş heykəllər”in öz tarixi yerinə qaytarılmasını təmin etdi. Həmin heykəlləri Ulu öndər Heydər Əliyev vaxtilə bütün maddi sərvətləri pul xatirinə satan acgöz ermənilərdən satın alıb. Əgər həmin büst salamatdırsa sədəqə dilənən bu zavallı millətdən Dədə Ələsgərin də büstünü almaq mümkün olardı. Cənab Prezident, Mehriban xanım bu məsələdə çox həssasdırlar.
Xalqımız Ələsgər kimi qüdrətli, Ozan sənətinin Peyğəmbəri olan El sənətkarının 200 illik yubileyinə hazırlaşır, onun yubileyi ölkədə geniş şəkildə qeyd olunacaq.
Təklif edirəm ki, El sənətkarının adının əbədiləşməsi üçün Aşıqlar Birliyinə Dədə Ələsgərin adı verilsin.
Mədəniyyətimizin hamisi olan Birinci vitse-prezident Mehriban xanım Əliyevanın təşəbbüsü ilə ərsəyə gələn paytaxtımıza xüsusi yaraşıq verən Muğam Mərkəzində görkəmli musiqi və sənət ustadlarının büstləri yerləşdirilib. Bəstəkarlarımız Aşıq Ələsgərin əsərlərinə musiqilər bəstələmişlər, elə bir bəstəkar, xanəndə, müğənni, aşıq təsəvvür etmək olmaz ki, Ələsgər yaradıcılığına müraciət etməsin. Ona görə də, Aşıq Ələsgərin də burada büstünün qoyulması, paytaxtda bir məkanda abidəsinin ucaldılması yaxşı olardı.
Mehriban xanım Əliyeva aşıq sənətini UNESCO-nun Qeyri-maddi mədəni irs siyahısına daxil etdirib. Aşıq sənətin şahnaməsi olan Ələsgərin irsinə dərin ehtiramın nümunəsi kimi bunları nəzərə alınacağına inanıram”.
             


Baxış sayı: 97


Bölməyə aid digər xəbərlər