Bütün xəbərlər
Yaponiya səlahiyyətliləri: aprel ayında qəzaya uğrayan helikopterlərdən yeddi nəfərin öldüyü elan edildi
Tarix: 11-06-2024 10:34 | Bölmə: Dünya

Yaponiyada bu ilin aprel ayında iki "SH60K" helikopterinin toqquşması nəticəsində itən Özünümüdafiə Qüvvələrinin yeddi üzvü ölü elan edilib.
Sabaha-inamla.az rus mətbuatına istinadən xəbər verir ki, qəzaya uğrayan helikopterlərin ekipaj üzvlərinin öldüyünü Yaponiyanın müdafiə naziri Minoru Kihara açıqlayıb. O əlavə edib: ölkə hakimiyyəti “baş verənlərin dəqiq səbəbini” müəyyən etmək, həmçinin gələcəkdə oxşar hadisələrin baş verməməsi üçün hər şeyi edəcək.
"Biz onların öldüyü qənaətinə gəldik. Onları tapmaq üçün edilən səylərə baxmayaraq, bu nəticə son dərəcə acınacaqlıdır", - Kihara bildirib.
Aprelin ortalarında iki "SH60K" helikopteri İzu arxipelaqı yaxınlığındakı Torişima adası yaxınlığında əlaqəni dayandırıb. Bir dəqiqə sonra helikopterlərdən birindən qəza siqnalı daxil olub. Daha sonra helikopterlərin fraqmentləri tapıldı və səlahiyyətlilər hər iki təyyarənin qəzaya uğradığını güman etdilər.
Axtarış-xilasetmə əməliyyatı zamanı ekipaj üzvlərindən birinin meyiti tapılıb. Qalan yeddi nəfər itkin düşmüş hesab edilib. RİA Novosti xəbər verir ki, hazırda təyyarə qəzası qurbanlarının rəsmi sayı 8 nəfərə çatıb.




Baxış sayı: 94


Bölməyə aid digər xəbərlər