Bütün xəbərlər
Qənirə Paşayeva Şuşada “Məclisi-üns” ədəbi məclisinin bərpa toplantısında çıxış edib
Tarix: 19-09-2022 18:31 | Bölmə: Mədəniyyət


     Milli Məclisin Mədəniyyət komitəsinin sədri Qənirə Paşayeva “Şuşa İli” və Xurşidbanu Natəvanın 190 illik yubiley tədbirləri çərçivəsində Şuşa şəhərində Mədəniyyət Nazirliyi ilə Şuşa Şəhəri Dövlət Qoruğu İdarəsinin birgə təşkilatçılığı ilə XIX yüzil Azərbaycan söz sənətində, mədəni irsimizdə özəl yeri olmuş “Məclisi-üns” ədəbi məclisinin bərpa toplantısında çıxış edib.
     “Məclisi-üns” ədəbi məclisinin bərpa olunması, qardaş ölkələ şairlərinin bu bərpa toplantısında iştirakı, eləcə də, Xurşidbanu Natəvanın 190 illiyinə həsr edilən sərginin təşkilini yüksək qiymətlindirən Q.Paşayeva təşkilatçılara təşəkkür edib, ürək sözlərini bölüşüb. O, nümayiş olunan sərgidə həmmüəlifi olduğu, Dos.Dr. Faiq Ələkbərli ilə birgə yazdığı və qardaş Türkiyədə nəşr olunmuş, ilk təqdimatı da Ankarada, TÜRKSOY-da gerçəkləşdirilmiş “Şuşadan doğan Günəş və Ay: Xurşidbanu Natəvan və Fatimə xanım Kəminə” kitabının da sərgilənməsindən, sərginin bütünlüklə Şuşa Şəhər Dövlət Qoruğuna bağışlanacağından çox məmnun olduğunu bildirib.
    Q.Paşayeva 2023-cü ildə Türk dünyasının, əbədi olaraq Azərbaycanın Mədəniyyət paytaxtı olan olan əziz Şuşa şəhəri də daxil olmaqla, Qarabağın yalnız Azərbaycan və Türkiyəyə deyil, bütün Türk-İslam dünyasına görkəmli şəxsiyyətlər bəxş etdiyini diqqətə çatdırıb. O, vurğulayıb ki, Dos.Dr. Faiq Ələkbərli ilə birgə hazırladığı “Şuşadan doğan Günəş və Ay: Xurşidbanu Natəvan və Fatma xanım Kəminə” adlı kitabın bugünlərdə Bərdədə, avqustda isə Türkiyənin paytaxtı Ankarada – TÜRKSOY-da ilk təqdimatları olduğunu bildirib. “Məclisi-Üns”ün bərpası da daxil olmaqla, belə tədbirlərin, sərgi və nəşrlərin Xurşidbanu Natəvanın, onun zamandaşlarının, sənət dostlarının ruhunu şad etdiyini deyib, Natəvanın timsalında mədəni irsə verilən dəyərin ifadəsi kimi şərh edib:
    “Əziz dostlar,
Azərbaycandan və qardaş ölkələrdən gəlmiş dəyərli qələm adamlarını
Şuşada salamlamaqdan çox şadam. Şuşa yaralarını sarıyır. Ermənistanın vandallıqlarından 8 noyabr 2020-ci ildə unikal hərbi əməliyyatla azad olmuş dağlar incisi Şuşanın yaralarını mədəniyyətlə, quruculuqla, abadlıqla sağaldırıq. Və əlbəttə, qüdrətli sözün, mədəniyyətin, sənətin zərif gücü ilə!
Bəli, Azərbaycanın əbədi Mədəniyyət Paytaxtında, Türk dünyasının 2023-cü il üzrə Mədəniyyət paytaxtında Xurşidbanu Natəvanın sözünun, ruhunun işığına yığışmışıq.
     Artıq vurğulandığı və bilindiyi kimi, Natəvan Şuşanı quran ulu dədəsi Pənahəli xanın, babası İbrahimxəlil xanın nəvəsi və nəhayət sonuncu Qarabağ xanı Mehdiqulu xan Cavanşirin qızıdır. Bunları niyə vurğulayırıq? Şuşanın əsalətini müəyyənləşdirən nəslin övladı, Şuşa işğaldaykən də, öz sözünün sehri, ruhunun gücü ilə Şuşa əsalətini, qürurunu qoruyurdu sanki... Sanki Xan qızının, onun əcdadının adı, ruhu daim Şuşanın başı üzərində dolanır, Şuşanı və Şusaya inamımızi qoruyurdu.
    Şuşada Xarıbülbül festivalı, Vaqif Poeziya Günləri və Natəvanın yubileyinin keçirilməsi şəhərə öz həqiqi sahiblərinin dönüşünü simvolizə edir, təcalla etdirir. Yəni Şuşa vandalizim deyil, mədəniyyət, şeir sənət yuvası olmalıdır, Şuşaya bu yaraşır! Bax, şəhərin, Qarabağın həqiqi sahibləri ilə yadellilərin ən əsas fərqi də bu məqamda, mahiyyətdə ifadə olunur.
     Azərbaycanın Müzəffər Ali Baş Komandanı, Prezident İlham Əliyev, ölkəmizin Birinci xanımı Mehriban Əliyeva Şuşaya, Qarabağa, Şərqi Zəngəzura coşğun həyatin, qaynar mədəni mühitin bir an öncə qayıtması üçün titanik səylərlə çalışır. Dövlətimizin ali rəhbərliyi, xalqımız, sənət dünyasının dəyərli təmsilçiləri Şuşanın, Qarabağın, Şərqi Zəngəzurun əsl simasını müəyyənləşdirir, təsdiq və tərənnüm edir. Bu, işğal mədəniyyətsizliyindən azadlıq mədəniyyətinə, erməni vandalizmindən Azərbaycan quruculuğuna, nəhayət azadlıqdan abadlığa sürətli və keyfiyyətli keçidi müəyyənləşdirir.
     Qardaş ölkələrdən gəlmiş əziz şairlər, əminəm ki, Şuşani ziyarət etmək, Şusada çıxış etmək sizlərin də həyatında dərin iz buraxacaq.
Bizlərə bu günləri yaşadan əziz şəhidlərimizin ruhu qarşısında bir daha dərin sayğı ilə bas əyir, yaralı qazilərimizə şəfalar diləyir və bütün müharibə iştirakçılarına salamlarımı yetirirəm!
Şuşanın, Qarabağın hər guşəsi bizim üçün dəyərli olduğu kimi tarixi şəxsiyyətlərin, mədəniyyət, sənət xadimlərinin irsi də bizimçün əzizdir.
Ümidvaram azad Şusada "Məclisi Üns"ün təşkili Natəvanın, onun mənsub olduğu xanədanlığın və söz xanədanlığının ruhi, mənəvi Zəfəridir. Zəfər Zəfər doğurur.
    Sözün, haqqın və ədalətin Zəfəri üçun çalışanlara salam və ehtiram olsun”!
    "Məclisi-üns" toplantısı bədii hissə ilə davam edib. Məclisin “poeziya saatı”nda Azərbaycan və digər türkdilli ölkələrdən yazarlar ud və qanun ifaçılarının müşayiəti ilə Xurşidbanu Natəvanın 190 illiyinə həsr olunan şeirlər söyləyiblər.
    Qardaş Özbəkistandan gəlmiş qonaqlar Komitə sədrinə özbək milli geyimi hədiyyə edib. Q.Paşayeva öz növbəsində Özbəkistandan və digər qardaş ölkəkələrdən gəlmiş yazarlara Qarabağ motivli xatirə hədiyyə edib.
     Qeyd edək ki, Azərbaycan Respublikası Nazirlər Kabinetinin 07.05.2019-cu il tarixli, 211 saylı Qərarı ilə Xurşidbanu Natəvanın (Xurşidbanu Natəvan xanım Cavanşir-Usmiyeva; 06.08.1832, ŞUŞA – 02.10.1897, ŞUŞA) adı “Azərbaycan Respublikasında əsərləri dövlət varidatı elan edilən müəlliflərin siyahısı”na daxil edilib.

Sabaha-inamla.az














Baxış sayı: 87


Bölməyə aid digər xəbərlər