Bazar günü, 6 iyul 2025, 11:59:41  
Son xəbərlər:
Bütün xəbərlər
İsrailin müdafiə naziri İranın strateji hədəflərinə zərbələrin artırılması barədə göstəriş verib
Tarix: 19-06-2025 12:16 | Bölmə: Manşet

İsrailin müdafiə naziri İsrael Katz İrandakı strateji və hökumət obyektlərinə zərbələrin artırılması barədə göstəriş verib.
Sabaha-inamla.az rus mətbuatına istinadən xəbər verir ki,  Nazirin əmin olduğuna görə, İslam Respublikasının silahlı qüvvələri İsraildəki xəstəxanaları və yaşayış məntəqələrini qəsdən hədəfə alır.
"Bunlar ən ağır hərbi cinayətlərdir və Xamneyi törətdiyi cinayətlərə görə cavab verəcək. Baş nazir və mən İsrail Dövlətinə qarşı təhdidləri aradan qaldırmaq və ayətullahlar rejiminin sabitliyini pozmaq üçün İsrail ordusuna İrandakı strateji hədəflərə və Tehrandakı hökumət obyektlərinə hücumların intensivliyini artırmağı tapşırmışıq", - Katz əlavə edib.
Bundan əvvəl İD-nin mətbuat xidməti ötən gecə 40 döyüş təyyarəsinin İranda onlarla hədəfi vurduğunu bildirib. 100-dən çox sursat istifadə olunub.
Hədəflərdən biri də Ərak şəhərindəki nüvə reaktoru olub. İsrail ordusu plutonium istehsalı üçün vacib olduğu üçün nüvəni təcrid edən strukturu hədəfə alıb.
Zərbə həmçinin İsrailin nüvə silahı komponentlərinin istehsal olunduğuna inandığı Natanz şəhərindəki nüvə obyektinə də endirilib.



Baxış sayı: 112


Bölməyə aid digər xəbərlər