Bütün xəbərlər
Kallas: "Aİ mayın 20-də Rusiyaya qarşı 17-ci sanksiya paketini təsdiq edəcək"
Tarix: 08-05-2025 20:12 | Bölmə: Manşet

Avropa İttifaqı mayın 20-də xarici işlər nazirlərinin görüşündə Rusiyaya qarşı on yeddinci sanksiyalar paketini təsdiq etməyi planlaşdırır, Avropa diplomatiyasının rəhbəri Kaja Kallas bildirib.

Sabaha-inamla.az rus mətbuatına istinadən xəbər verir ki, RİA Novosti onun sözlərini sitat gətirir.
O qeyd edib ki, Xarici Əlaqələr Şurasının qarşıdan gələn iclası üçün yeni məhdudlaşdırıcı tədbirlər kompleksi hazırlanır.
"Biz 17-ci sanksiya paketi üzərində işləyirik, ümid edirəm ki, Xarici Əlaqələr Şurasının növbəti iclasında qəbul etməyə hazır olacağıq", - Kallas bildirib.
"Financial Times" daha əvvəl bildirmişdi ki, paketə Vyetnam, BƏƏ, Türkiyə, Serbiya və Özbəkistandan da təxminən on şirkət daxil olacaq və bəzi Vyetnam hüquqi şəxsləri siyahıda ilk dəfə yer alacaq. Nəşrin məlumatına görə, bir sıra ikili təyinatlı malların, o cümlədən bəzi kimyəvi maddələrin Rusiyaya ixracı qadağan ediləcək.
"Bloomberg", öz növbəsində, əlavə edib ki, Avropa Komissiyası 60 fiziki və hüquqi şəxsə qarşı sanksiyalar tətbiq etməyi, həmçinin karbohidrogen xammalı daşıyan 150-yə yaxın gəminin limanlarına girişini məhdudlaşdırmağı təklif edir. Tədbirlərin təsdiqlənməsi üçün bütün 27 üzv dövlətin yekdil dəstəyi tələb olunacaq.
2014-cü ildən bəri Qərb Rusiyaya qarşı 28 937 sanksiya tətbiq edib ki, bunun da 92%-i 2022-ci ilin fevralından sonra tətbiq edilib.



Baxış sayı: 28


Bölməyə aid digər xəbərlər