Bütün xəbərlər
Rusiyanın daimi nümayəndəsi Ulyanov: "İranla nüvə sazişinin uzadılması ABŞ olmadan uğurlu olmayacaq"
Tarix: 07-03-2025 17:56 | Bölmə: Manşet

İranın nüvə proqramı üzrə Birgə Hərtərəfli Fəaliyyət Planının (JCPOA) bərpası yalnız ABŞ-ın iştirakı ilə mümkündür.

Sabaha-inamla.az rus mətbuatına istinadən xəbər verir ki, bu barədə Rusiya Federasiyasının Vyanadakı beynəlxalq təşkilatlar yanında daimi nümayəndəsi Mixail Ulyanov “Rossiya 24” telekanalına müsahibəsində bildirib.
Razılaşmanın yeni formatının işlənib hazırlanması zərurətini Beynəlxalq Atom Enerjisi Agentliyinin (MAQATE) baş direktoru Rafael Qrossi daha əvvəl bildirmişdi. Ulyanovun sözlərinə görə, bu, Vaşinqtonun iştirakı olmadan mümkün olmayacaq.
"Fakt budur ki, hər hansı yeni saziş Amerikanın İrana qarşı qeyri-qanuni birtərəfli sanksiyalarının ləğvini nəzərdə tutur. Müvafiq olaraq, bu, o zaman baş verə bilər ki, amerikalılar danışıqlar masası arxasında olsunlar və yeni sazişin təsdiqinə töhfə versinlər", - o hesab edir.
Diplomat hesab edir ki, ABŞ-da Respublikaçılar administrasiyasının mövqeyi Demokratlar administrasiyasının mövqeyindən daha sərt olacaq, lakin bu, hansısa razılaşmanın əldə olunması imkanını istisna etmir. Rusiya da öz növbəsində buna öz töhfəsini verməyə hazırdır.
"Mən 2021-2022-ci illərdə JCPOA-nın bərpası üzrə danışıqlarda Rusiya nümayəndə heyətinə rəhbərlik etdim. Əminliklə deyə bilərəm ki, Rusiya kompromislərin əldə olunmasına kömək etmək üçün hamıdan daha uyğundur", - Ulyanov yekunlaşdırıb.
Rusiyanın daimi nümayəndəsi Fransa prezidenti Emmanuel Makronun nüvə çətiri ilə bağlı müraciətinə də münasibət bildirib - onun bəyanatı Vyanadakı beynəlxalq təşkilatlarda heç kimin marağına səbəb olmayıb.



Baxış sayı: 129


Bölməyə aid digər xəbərlər