Bütün xəbərlər
Putin Kim Çen Inla vidalaşdığı müddətdə əlaqə saxlamağa söz verib
Tarix: 19-06-2024 22:20 | Bölmə: Manşet

Rusiya prezidenti Vladimir Putin Şimali Koreyanın sədri Kim Çen Inla Pxenyan hava limanında vidalaşarkən ona “Biz əlaqə saxlayacağıq” deyib. Sabaha-inamla.az rus mətbuatına istinadən xəbər verir ki, videonu Kremlin mətbuat xidməti yayıb.
Putin qonaqpərvərliyə görə Kim Çen Ina təşəkkür edib, iki ölkə liderləri qucaqlaşıb əl sıxıblar. Daha sonra Rusiya Federasiyasının prezidenti təyyarənin pilləkənləri ilə yuxarı qalxıb. Kim Çen In onu rampaya qədər müşayiət edib.
Putin iyunun 18-19-da Şimali Koreyaya dövlət səfəri edib. O və Kim Çen In cəmi on saatdan çox danışıblar.
Səfər zamanı Rusiya-Koreya danışıqları, o cümlədən nümayəndə heyətləri çərçivəsində və üzbəüz danışıqlar aparılıb, ikitərəfli sənədlərin imzalanması olub. Liderlər Koreyanın azad edilməsi şərəfinə ucaldılmış abidənin önünə əklil qoyma mərasimində də iştirak ediblər.
Səfərin əsas nəticəsi Rusiya ilə Şimali Koreya arasında hərtərəfli strateji tərəfdaşlıq sazişinin imzalanması olub. Putin bu sənədi həqiqətən sıçrayış adlandırıb. Bu, digər məsələlərlə yanaşı, dövlətlərdən birinə təcavüz halında qarşılıqlı yardımın göstərilməsini nəzərdə tutur.
KXDR-ə səfərini başa vuran Rusiya prezidenti Vyetnama gedib.


Baxış sayı: 124


Bölməyə aid digər xəbərlər
18-07-2024, 09:10 Bayden koronavirusa yoluxub