09:10 / 18-07-2024
Bayden koronavirusa yoluxub
Bütün xəbərlər
“The New York Times” İstanbul razılaşmalarının layihəsini dərc edib
Tarix: 15-06-2024 16:37 | Bölmə: Manşet

Amerikanın “The New York Times” nəşri Rusiya Federasiyası ilə Ukrayna arasında 2022-ci ildə İstanbulda aparılan danışıqlar zamanı hazırlanmış sülh sazişi layihəsini dərc edib.
Sabaha-inamla.az rus mətbuatına istinadən xəbər verir ki, Müqavilənin bəndlərindən biri Kiyevin Krımı- Rusiya ərazisinin bir hissəsi kimi tanımasıdır.
Tam mətn nəşrin saytında dərc olunub. “Ukrayna üçün daimi neytrallıq və təhlükəsizlik təminatları haqqında Müqavilə” adlı sənəd 18 maddə və 6 əlavədən ibarətdir, sonuncusu nəşr tərəfindən açıqlanmayıb.
“The New York Times” yazır ki, Kiyev razılaşmanın bəndlərindən biri ilə – Krımın Rusiya Federasiyasının ərazisi kimi tanınması ilə razılaşmayıb.
Müqavilə layihəsi Ukraynanın neytral statusunu təmin edirdi. Buna uyğun olaraq, o, “heç bir hərbi ittifaqlara” qoşulmamalı və öz ərazisində xarici hərbi bazalar və kontingentlər yerləşdirməməlidir.
Bundan əlavə, layihədə Ukraynada rus dilinin rəsmi status alacağı və onun bütün sahələrdə istifadəsinə qoyulan məhdudiyyətlərin aradan qaldırılacağı nəzərdə tutulurdu.
"The New York Times" sənəd layihəsinin üç variantını dərc etdi - ingilis dilində ilkin layihələr, məsləhətləşmələrdən sonra kommünike və sonradan Rusiya lideri Vladimir Putinə göndərilən layihə.
Nəşrin qeyd etdiyi kimi, dərc edilmiş materiallar orijinal deyil və “identifikasiya xüsusiyyətlərini gizlətmək” üçün xüsusi olaraq yenidən çap edilib.


Baxış sayı: 133


Bölməyə aid digər xəbərlər