Bütün xəbərlər
Rusiyanın İsraildəki səfiri Viktorov: "Daha iki rus HƏMAS-ın əsirliyindədir"
Tarix: 08-06-2024 23:08 | Bölmə: Manşet

Rusiyanın İsraildəki səfiri Anatoli Viktorov bildirib ki, Rusiya diplomatları Qəzza zolağında olan iki rusiyalının tezliklə geri qaytarılması üçün fəal addımlar atır.
Sabaha-inamla.az rus mətbuatına istinadən xəbər verir ki, o, bu barədə xüsusi əməliyyat zamanı rusiyalı Andrey Kozlovun İsrail hərbçiləri tərəfindən azad edilməsindən sonra açıqlama verib.
Diplomatik nümayəndəliyin mətbuat xidmətinin yaydığı bəyanatda Viktorov qeyd edib ki, Rusiya Xarici İşlər Nazirliyinin rəhbərliyi, diplomatlar və hərbçilər A.V.Trufanovun və A.Q.Lobanovun Qəzzadan geri qaytarılması üçün səylərini davam etdirəcəklər. Diplomat vurğulayıb ki, hərbi əməliyyatların tezliklə dayandırılması regionun humanitar problemlərinin həlli və qalan girovların azad edilməsi üçün mühüm addımdır.
Bundan əvvəl rusiyalı Andrey Kozlov Qəzza zolağında azad edilərək İsrailə qayıdıb. O, Təl-Əvivin kənarındakı Şeba xəstəxanasında onu ziyarət edən Baş nazir Benyamin Netanyahuya minnətdarlığını bildirib. Yerli KİV-in məlumatına görə, Kozlov təxminən iki il əvvəl vətənə qayıdıb və 2023-cü il oktyabrın 7-də baş verən hadisələr zamanı Nova festivalında mühafizəçi işləyib. Valideynləri Sankt-Peterburqda yaşayırlar.


Baxış sayı: 106


Bölməyə aid digər xəbərlər