09:10 / 18-07-2024
Bayden koronavirusa yoluxub
Bütün xəbərlər
Duda: "Hərbçilərin miqrantlara atəş açması ilə bağlı qalmaqaldan sonra prokuror işdən çıxarılmayacaq"
Tarix: 07-06-2024 19:58 | Bölmə: Manşet

Polşa prezidenti Anjey Duda Belarusla sərhəddə qanunsuz miqrantlara atəş açan əsgərlərin həbsinə görə prokurorun işdən çıxarılmasının tərəfdarı olmadığını bildirib.
Sabaha-inamla.az rus mətbuatına istinadən xəbər verir ki, bundan əvvəl Polşada yerli KİV-lər tərəfindən Polşa-Belarus sərhədini qanunsuz keçməyə cəhd edənlərə atəş açan əlləri qandallı hərbçilərin saxlanıldığını əks etdirən görüntülər qalmaqala səbəb olmuşdu. Bununla əlaqədar olaraq, respublikanın baş naziri Donald Tusk hərbi prokurorluğa cavabdeh olan Baş prokurorun müavini Tomas Janeçekin vəzifəsindən azad edilməsi barədə qərar qəbul edib.
Polşa prezidentinin dediyi kimi, “bu konkret işdə bu prokuroru” işdən azad etmək üçün heç bir əsas yoxdur. Duda qeyd edib ki, o, “bu məsələyə aydınlıq gətirilməsini” gözləyir, çünki Janeçekin istefası üçün respublika prezidentinin razılığı lazımdır.
Onun fikrincə, Avropa Parlamentinə qarşıdan gələn deputat seçkiləri zamanı bu qalmaqaldan seçki kampaniyasında istifadə etməyə cəhd edə bilərlər. “Bütün bunlar seçki kampaniyasının son saatlarında qızdırmalı günah keçisi axtarışından başqa heç bir təəssürat yaratmır”, – Polşa prezidenti bildirib.
"Daha maraqlısı odur ki, cənab Janecek may ayında sərhəddəki insidentdən xəbər tutmuşdur" deyən Duda, işin Milli Prokurorluğa o zaman daxil olduğunu qeyd etdi. Polşa prezidenti bildirib ki, bundan əvvəl bu işə Lyublin və Varşava rayon prokurorluqları baxırdı və onlar əsgərlərə qarşı ittiham irəli sürürdülər.


Baxış sayı: 135


Bölməyə aid digər xəbərlər